Fana: At a Speed of Life!

  በፈረንሳይ የግለሰቦችን ተቃውሞ ወክሎ አደባባይ ሊወጣ የሚችልን ሰው በኦንላን የሚቀጥረው ድርጅት

አዲስ አበባ፣ ሚያዚያ 28፣ 2011 (ኤፍ.ቢ.ሲ) በሀገረ ፈረንሳይ ኦንላይንን የተመለከተ አንድ የተለየና አዲስ ነገር ተሰምቷል።

ይህም ግለሰቦች በቦታው ላይ ተገኝተው ለመቃወም የሰዓት ጥበት እንዲሁም ሌሎች ጉዳዮች ሲያጋጥማቸው እነሱን ወክሎ አደባባይ በመውጣት ድምጻቸውን ሊያሰማ የሚችልን ሰው ድርጅቱ በኦንላን ይቀጥራል ተብሏል።

ዊስታንድ የተባለው ድርጅት በቢጫ ለባሾች ለስድስት ወራት ድምጻቸውን በሚያሰሙባት ፈረንሳይ ስራ መጀመሩም እየተነገረ ይገኛል።

የኦንላን አገልግሎቱ በርግጥ ከቢጫ ለባሾቹ ጋር ባይገናኝም ነገርግን በነሱ መነሻነት የመጣ ሊሆን እንደሚችል ተነግሯል።

ታዲያ ክፍያው የተቃውሞ ሰልፉ ከመጀመሩ ከ48 ሰዓታት በፊት መጠናቀቅ አለበት ተብሏል።

ከዚህ በተጨማሪም የቀጠረው ሰልፈኛ ተጽዕኖ እንዲያሳድር ቲሸርቶችንና ኮፍያዎችንም በኦንላን መሸመት እንደሚቻል ገልጸዋል።

የተቀጠረው ሰልፈኛም በሰልፉ ላይ እየተካሄደ ያለውን ነገር ፎቶግራፍ በማንሳት እንያንዳንዱን እንቅስቃሴ እንደሚልክም ተናግረዋል።

ሆኖም አንድ ገንዘብ ያለው ሰው ሐሳቡን ለማስተጋባት ብዙ ሰልፈኞች ቀጥሮ መቃወም እንደማይችል ጠቅሰው፥ ለዚህም ትክክለኛ የሆነ ሰው ብቻ እንደሚቀበሉ ተናግረዋል።

 

ምንጭ፦ኦዲቲይ

You might also like
Comments
Loading...