Fana: At a Speed of Life!

በጎንደር ከተማ ስድስት ፋብሪካዎች ወደ ምርት ገቡ

አዲስ አበባ፣ ግንቦት 7፣ 2011 (ኤፍ.ቢ.ሲ) በጎንደር ከተማ በተለያዩ ዘርፎች የተሰማሩ ስድስት ፋብሪካዎች ስራ መጀመራቸው ተገለፀ፡፡

ስራ የጀመሩት ፋብሪካዎች በዘይት ማምረት፣ በቆርቆሮና ሚስማር፣ በፕላስቲክ ውጤቶች፣ በምግብ ማቀነባበር፣ በፈሳሽ ሳሙናና በሠሊጥ ማቀነባበር ተግባር የተቋቋሙ ሲሆን ሙሉ በሙሉ ወደ ስራ መግባታቸውም ታውቋል።

የጎንደር ከተማ አስተዳደር ኢንዱስትሪና ኢንቨስትመንት መምሪያ ሀላፊ አቶ አዲሱ ደባልቄ እንደገለፁት በከተማዋ ባለፈዉ አመት 38 ባለሀብቶች ይዘውት የነበረውን የኢንዱስትሪ ቦታ ወደ ስራ ባለማስገባታቸው እንዲነጠቁ መደረጉን ተናግረዋል፡፡

በተያዘው ወርም 23 የሚሆኑ ባለሀብቶች ፈቃዳቸው ተሰርዞ መሬቱ ወደ መንግስት የመሬት ባንክ እንደተመለሰ አስታውቀዋል፡፡

ስራ በጀመሩና በግንባታ ላይ በሚገኙ የኢንዱስትሪ ማዕከላትም ከአንድ ሺህ አንድ መቶ በላይ ዜጎች በቋሚና በጊዜያዊ የስራ እድል ተጠቃሚ መሆናቸውን ሀላፊው ተናግረዋል።

በሙሉጌታ ደሴ

You might also like
Comments
Loading...