Fana: At a Speed of Life!

በዓለም አቀፍ ደረጃ 1 ቢሊየን ሰዎች በደም ግፊት ህመም ተጠቂ ናቸው

አዲስ አበባ፣ ግንቦት 8፣ 2011 (ኤፍ.ቢ.ሲ) ዓለም አቀፍ የደም ግፊት ቀን በነገው ዕለት ታስቦ ይውላል።

በአሁን ወቀት 1 ቢሊየን የሚሆኑ ሰዎች በደም ግፊ የተጋለጡ ሲሆን፥ ይህ አሃዝ በፈረንጆቹ 2025 ወደ 1 ነጥብ 5 ቢሊየን ከፍ ይላል ተብሎ ይጠበቃል።
በደም ግፊት ከተጠቁት 1 ቢሊየን ሰዎች መካከል ግማሽ ያህሉ በደም ግፊት
እንደተጠቁ ግንዛቤው እንደሌላቸው ነው የተነገረው።

የደም ግፊት ለልብ እና ለስትሮክ በሽታዎች ዋነኛ ምክንያት እንደሆነ ነው የተለያዩ መረጃዎች የሚያመለክቱት።

በዓለም አቀፍ ደረጃም ስለ ደም ግፊት ያለውን አነስተኛ የሆነ ግንዛቤ ለማስተካከል ግንቦት ዘጠኝ ዓለም አቀፉ የደም ግፊት ቀን ሆነ እየተከበረ ይገኛል።

በበርካቶች ዘንድ ስለ ደም ግፊት ዝቅተኛ ግንዛቤ በመኖሩ ከበሽታው ጋር ተያይዞ የሚከሰቱ በሽታዎችን ለመከላከል አዳጋች እንዳደረገው ይነገራል።

በሌላ በኩል የደም ግፊት ሊያስከት ስለሚችለው ችግር እና አጠቃላይ ሁኔታ ግንዛቤ መፍጠር ላይ ትኩረት አድረገው የሰሩ ሀገራት ውጤታማ መሆናቸው ተነግሯል።

ምንጭ፡-www.ncbi.nlm.nih.gov

You might also like
Comments
Loading...