Fana: At a Speed of Life!

በኦሮሚያ ክልል ለስራ እድል ፈጠራ 3 ነጥብ 5 ቢሊየን ብር ፀደቀ

አዲስ አበባ ፣ ሚያዚያ 30 ፣ 2011 (ኤፍ ቢ ሲ) የኦሮሚያ ኢንዱስትሪ እና ኢንተርፕራየዝ ልማት ምክር ቤት የክልሉን ስራ አጥነት ችግር ለመቅረፍ በልዩ እቅድ የ3 ነጥብ 5 ቢሊየን ብር አጸደቀ።

ምክር ቤቱ በዛሬዉ እለት በአዳማ ከተማ ባካሄደው 2ኛ መደበኛ ጉባኤው ነው በጀቱን ያፀደቀው፡፡

የክልሉ ምክትል ርዕሰ መስተዳደር አቶ ሽመልስ አብዲሳ በጀቱ በ2011 4ኛ ሩብ አመት ባስቸኳይ ወደ ስራ እንደሚገባ ተናግረዋል።

በዚህ በጀት ዓመት ለ1 ነጥብ 1 ሚሊየን ወጣቶች የስራ እድል ለመፍጠር መታቀዱን የክልሉ ኢንዱስትሪ እና ኢንተርፕራይዝ ልማት ቢሮ ሀላፊ አቶ ሲሳይ ገመቹ ተናግረዋል፡፡

በዚህም በሶስቱ ሩብ ዓመታት ከ600 ሺህ በላይ ወደ ስራ ለማስገባት እንደተቻለ ነው የገለፁት፡፡

በቀጣይ ሶስት ወራት የፀደቀውን በጀት በመጠቀም ከ499 ሺህ በላይ ለሚሆኑ የክልሉ ወጣቶች ስራ ለመፍጠር የቅድመ ዝግጅት ስራዎች ተጠናቋል።

በያደሳ ጌታቸዉ

 

You might also like
Comments
Loading...