Fana: At a Speed of Life!

በአዲስ አበባ ቂርቆስ ክፍለ ከተማ የተገነባው የመናፈሻ ማዕከል ተመርቆ ለህዝብ ክፍት ሆነ

አዲስ አበባ፣ ግንቦት 8፣ 2011 (ኤፍ.ቢ.ሲ) በአዲስ አበባ ቂርቆስ ክፍለ ከተማ በተባበሩት መንግስታት ድርጅት የአፍሪካ ኢኮኖሚክ ኮሚሽን አቅራቢያ የተገነባው የመናፈሻ ማዕከል ተመርቆ ለህዝብ ክፈት ሆነ።

በ2005 ዓም ስራ ጀምሮ በጊዜው ባለመጠናቀቁ ብዙ ቅሬታዎች ሲነሱበት የነበረው የኢሲኤ አካባቢ መናፈሻ ነው ዛሬ በይፋ ለአገልግሎት ክፍት የተደረገው።

በ5 ነጥብ 2 ሄክታር መሬት ላይ ያረፈው መናፈሻው፥ እስካሁን ባለው የግንባታ ሂደት 49 ነጥብ 5 ሚሊየን ብር ወጪ ተደርጎበታል።

መናፈሻው ዛሬ ለህዝብ ክፍት ከመደረጉ አስቀድሞ ግንባታው ላይ የታዩ ጉድለቶችን ለማስተካከል ሲሰራ መቆየቱ ተነግሯል።

መናፈሻው በውስጡ አሁን ላይ ለህጻናት መጫወቻ የሚሆኑ ነገሮች እና ማረፊያ ስፍራዎች ሲኖሩት ሙሉ ለሙሉ ሲጠናቀቅ ሙሉ የመናፈሻ ይዘት እንደሚኖረውም ነው የተነገረው።

መናፈሻው የተሰራበት አካባቢ ያለው ወንዝ ሸገርን የማስዋብ ፕሮጀክት አንድ አካል ነው መሆኑንም ተነግሯል።

በፍሬህይወት ሰፊው

You might also like
Comments
Loading...