Fana: At a Speed of Life!

በቴክኖሎጂ የተደገፈ የተቀናጀ ዘመናዊ ግብርና ሊተገበር ነው – የኢኖቬሽንና ቴክኖሎጂ ሚኒስቴር

 

አዲስ አባባ፣ ግንቦት 3፣ 2011 (ኤፍ.ቢ.ሲ) በቴክኖሎጂ የተደገፈ የተቀናጀ ዘመናዊ ግብርና በምዕራብ ኦሮሚያ አካባቢዎች ሊተገበር መሆኑን የኢኖቬሽንና ቴክኖሎጂ ሚኒስቴር ገለጸ።

ሚኒስቴሩ ከኦሮሚያ ክልል መንግስትና ከመቱ  ዩኒቨርሲቲ ጋር በመተባበር ቴክኖሎጂን የሚጠቀም የተቀናጀ ግብርና ስራ ለመስራት በሚቻልበት ሁኔታ ላይ መክሯል።

የተሻለ ምርት የሚሰጡ እንስሳት፣ ለእንስሳቱ የሚሆን መኖ፣ የእንስሳቱ የጤና እንክብካቤ እና የገበያ ትስስር ተቀናጅተው በሚተገበሩበት ሁኔታ የምክክሩ ትኩረት ነበር ብሏል።

ሚኒስቴሩ ቴክኖሎጂ፣ የኦሮሚያ ክልል ቦታ እና የመቱ ዩኒቨርሲቲ ደግሞ ከጤና ጋር የተያያዙ ስራዎችን አቀናጅተው እንደሚሰሩ ተገልጿል።

ኦሮሚያ ክልል መቱ፣ ወለጋ፣ ጅማ፣ አምቦ እንዲሁም ቤንሻንጉልና ጋምቤላ ክልሎች ስራው የሚሰራባቸው አካባቢዎች መሆናቸውን ሚኒስቴሩ አስታውቋል።

የሚኒስቴሩ ዴኤታ ጀማል በከር ግብርናው በቴክኖሎጂ የተደገፈ እንዲሆንና ማህበረሰቡ ከግብርናው የሚገባውን እንዲጠቀም ሚኒስቴሩ መስሪያ ቤቱ በትኩረት ይሰራል ብለዋል።

ሚኒስቴሩ ፕሮጀክቱ በትግራይ ክልል ተሞክሮ ውጤታማ መሆኑን ጠቅሶ፥ በቀጣይም በሁሉም ክልሎች የማስፋፋት እቅድ መያዙን ገልጿል።

You might also like
Comments
Loading...