Fana: At a Speed of Life!

በቂሊንጦ ፋርማሲዩቲካል ኢንዱስትሪ ፓርክ ውስጥ ለመግባት ከ10 ኩባንያዎች ጋር የመግባቢያ ስምምነት ተፈረመ

አዲስ አበባ ፣ ግንቦት 19 ፣ 2011 (ኤፍ ቢ ሲ) በቂሊንጦ ፋርማሲዩቲካል ኢንዱስትሪ ፓርክ ውስጥ ለመግባት ከ10 ዓለም አቀፍ ኩባንያዎች ጋር የመግባቢያ ስምምነት ተፈረመ።

ስምምነቱን የኢትዮጵያ ኢንቨስትመንት ኮሚሽን ከኩባንያዎቹ ተወካዮች ጋር መፈራረሙን፥ የኢትዮጵያ ኢንቨስትመንት ኮሚሽን ምክትል ኮሚሽነር አቶ ተመስገን ጥላሁን ለፋና ብሮድካስቲንግ ኮርፖሬት ተናግረዋል።

ምክትል ኮሚሽነሩ የቂሊንጦ ፋርማሲዩቲካል ኢንዱስትሪ ፓርክ አሁን ላይ እየተጠናቀቀ መሆኑንም ነው የተናገሩት።

ኢንዱስትሪ ፓርኩ ሙሉ በሙሉ ሲጠናቀቅም ከ1 ሺህ በላይ ኩባንያዎችን ማስተናገድ ይችላልም ነው ያሉት።

ከዚህ ባለፈም አሁን ላይ የእንስሳት መድሃኒት አምራች ኩባንያወችን ወደ ፓርኩ ለማስገባት እየተሰራ መሆኑንም ጠቅሰዋል።

በቀጣይም ወደ ፓርኩ የሚገቡ ኩባንያዎች በጥንቃቄ የሚመረጡና ዓለም አቀፍ ተቀባይነት ያላቸው እንዲሆኑ ይደረጋልም ብለዋል።

የቂሊንጦ ፋርማሲዩቲካል ኢንዱስትሪ ፓርክ የፋርማሲዩቲካል ማዕከል ሆኖ እንዲያገለግል ታቅዶ እየተሠራ ያለ ፓርክ ነው።

 

በስላባት ማናዬ

You might also like
Comments
Loading...