Fana: At a Speed of Life!

በሁለት ዓመታት ውስጥ 10 ሺህ የቴክኖሎጂ ኢንተርፕራይዞችን መፍጠር የሚያስችል የቴክኖሎጂ ስትራቴጂ ተቀረፀ

አዲስ አበባ፣ ግንቦት 8፣ 2011 (ኤፍ.ቢ.ሲ) የኢኖቬሽን እና ቴክኖሎጂ ሚኒስቴር በሁለት ዓመታት ውስጥ 10 ሺህ የቴክኖሎጂ ኢንተርፕራይዞችን መፍጠር የሚያስችል የቴክኖሎጂ ስትራቴጂ መቀረጹን አስታወቀ።

የኢኖቬሽን እና ቴክኖሎጂ ሚኒስትር ዶክተር ኢንጅነር ጌታሁን መኩሪያ ከፋናብሮድካስቲንግ ኮርፖሬት ጋር ባደረጉት ቆይታ በሁለት ዓመታት ውስጥ 10 ቢሊዮን ዶላር ኢኮኖሚ ማመንጨት የሚያስችል የቴክኖሎጅ ስትራቴጅ መቀረፁን ተናግረዋል።

ስትራቴጂው በሁለት ዓመታት ውስጥ መሳካት አለባቸው ብሎ ካስቀመጣቸው ውስጥ የስራ እድል ፈጠራ እና የውጭ ምንዛሬን ማስገኘት ዋና ዋናዎቹ መሆናቸውን ሚኒስትሩ ጠቁመዋል።

በዚህ መሰረትም የተቀረፀውየቴክኖሎጂ ስትራቴጂ በሁለት ዓመታት ውስጥ 10 ሺህ የቴክኖሎጂ ኢንተርፕራይዞችን መፍጠር የሚያስችል ነው ተብሏል።

የቴክኖሎጂይ ኢንተርፕራይዞችም በሁለት ዓመታት ውስጥ እስከ  100 ሺህ ለሚሆኑ ወጣቶች የስራ  ድል የሚፈጥሩ መሆናቸው ነው የተገፀው።

ስትራቴጂውም “2101010” የሚል ቁጥሮችን የያዘ ነው ያሉት ሚኒስትሩ ፥ እነዚህ የቴክኖሎጅ ስትራቴጅው ቁጥሮችም የራሳቸው ትርጓሜ እና ስኬት ያላቸው መሆኑን አንስተዋል።

ስትራቴጂው የያዛቸው ቁጥሮችም በሁለት ዓመታት ውስጥ ይሳካሉ ተብለው የተያዙ እቅዶችን የሚያመላክቱ ናቸው።

ዶክተር ኢንጂነር ጌታሁን መኩሪያ እንዳሉትም በሁለት ዓመታት ውስጥ በተቀረፀው ስትራቴጂ መሰረት 10 ሺህ የሚሆኑ ኢንተርፕራይዞች በቴክኖሎጂ መስኩ እንዲፈጠሩ ማድረግ እና እነዚህ የቴክኖሎጂ ኢንተርፕራይዞች ደግሞ 10 ቢሊየን ዶላር እንዲያመነጩ የሚያስችል ሁኔታን ማመቻቸት እና በስራቸውም እስከ 100 ሺህ ለሚሆኑ ወጣቶች የስራ እድል መፍጠር መቻል ነው።

እነዚህ በስትራቴጂው የተቀመጡ እቅዶችም እውን እንዲሆኑ የሚያስችል ቴክኖሎጂን የማመቻቸት ስራ እየተሰራ ነው ብለዋል።

ሚኒስትሩ ወደ ቴክኖሎጂ ስራው ለሚገቡ ኢንተርፕራይዞች ከኮምፒውተር፣ መስሪያ ቦታ እና የተለያዩ የስራ ማስጀመሪያ ድጋፎችንም እስከማድረግ የሚሰራ ሲሆን፥ አሁን ላይም የተጀመሩ ስራዎች መኖራቸውን ጠቅሰዋል።

ቢሮዎችን እና የኢንኩቤሸን ማዕከላትን መክፈት እየተሰሩ ካሉት ድጋፎች የሚጠቀሱ ሲሆን፥ ዋነኛው ግን ኢንተርፕራይዞቹ እራሳቸውን ወደ ስራ የሚያስገቡበትን ቴክኖሎጂ የማመቻቸት ስራ መስራት መሆኑን ሚኒስትሩ ተናግረዋል።

በስትራቴጂው በሁለት ዓመታት ውስጥ ይሳካሉ ተብለው በሚኒስቴር መስሪያ ቤቱ የተያዙ እቅዶችም እንደሚሳኩ ማሳያዎች መኖራቸ ነው ሚኒስትሩ የተናገሩት።

ከማሳያዎቹ ውስጥም ባለፉት ሰባት ወራት ሚኒስቴሩ በሰራቸው ስራዎች የተቀረፀውን ስትራቴጂ ማሳካት የሚቻልባቸው ውጤቶች መመዝገባቸው ነው የተነሳው።

ሚኒስትሩ እንዳሉትም ለዚህ ደግሞ አሁን ያለው ሀገራዊ ለውጥ ለቴክኖሎጂው ምቹ ሁኔታዎችን እየፈጠረ እና ቴክኖሎጂውን የማዘመን ስራ እየተሰራ መሆኑን አውስተዋል።

 

በዙፋን ካሳሁን

You might also like
Comments
Loading...