Fana: At a Speed of Life!

ስፔስ ኤክስና አማዞን አሜሪካ በዓመት ለኢንተርኔት የምታወጣውን 30 ቢሊየን ዶላር የሚታደጉ ሳተላይቶችን ሊያመጥቁ ነው

አዲስ አባባ፣ ግንቦት 5፣ 2011 (ኤፍ.ቢ.ሲ) በአሜሪካ የሚገኙ የግል ኩባንያዎች በቅርቡ በሚያመጥቋቸው አዲስ ሳተላይቶች አማካኝነት ሀገሪቱ በየዓመቱ ለኢንተርኔት ታወጣ የነበረውን 30 ቢሊየን ዶላር እንደሚታደጉላት አንድ ሪፖርት ይፋ አደረገ።

ሳተላይቶቹ የሚያመጥቀው የኢሎን መስኩ ስፔስ ኤክስ በጀመረው ስታር ሊንክ ፕሮጀክት እና በአማዞኑ ጄፍ ቤዞስ ኪዩፐር ሲ በተባሉት ፕሮጀክቶች አማካኝነት ነው ተብሏል።

ከዚህ ቀደም በኢንተርኔት ዘርፉ ላይ የሚገኙ ሳተላቶች ከምድር 22 ሺ ማይሎችን ርቀው ነበር የሚዞሩት።

የአሁኑ አዲስ ግኝት ግን ከምድር ከ99 እስከ 1 ሺህ 200 ማይል ርቀት ላይ እንዲሆኑ ያስችላቸዋል ተብሏል።

ይህ ማለት መረጃዎች በፍጥነት ከአንዱ ቦታ ወደ ሌላ ቦታ በመድረስ ተገልጋዮች የተቀላጠፈ አገልግሎት እንዲያገኙ እንደሚያደርግ ገልጿል።

የስፔስ ኤክስ ኃላፊ ግንቦት አጋማሽ ላይ በርካታ ሳተላይቶችን እንደሚያመጥቁ ጠቅሰዋል።

ምንጭ፦ፎክስ ኒውስ

You might also like
Comments
Loading...