Fana: At a Speed of Life!

ስንሰባሰብ፣ አንድ ስንሆን የሚኖረን ውበት ስንነጣጠል አይኖረንም – ጠ/ሚ ዶ/ር አብይ

አዲስ አበባ፣ ግንቦት 14፣ 2011 (ኤፍ ቢ ሲ) ጠቅላይ ሚኒስትሩ ስንሰባሰብ፣ አንድ ስንሆን የሚኖረን ውበት ስንነጣጠል አይኖረንም ሲሉ ጠቅላይ ሚኒስትር ዶክተር አብይ አህመድ ገለፁ፡፡

ጠቅላይ ሚኒስትር ዶክተር አብይ አህመድ በሚሊኒየም አዳራሽ በተካሄደው የአብሮነትና የምስጋና የኢፍጣር ምሽት ተገኝተው ንግግር አድርገዋል፡፡

በንግግራቸው ሙስሊሙ ማህበረሰብ በአንድነት ሲያፈጥር በመመልከታቸው ደስታ አንደተሰማቸው ተናግረዋል፡፡

ኢትዮጵያዊያን ሙስሊሞችን ማገልገል የሚችል እስላማዊ ባንክ እንዲቋቋም መንግስት ድጋፍ እንደሚያደርግም ጠቅላይ ሚኒስትር ዶክተር አብይ አህመድ አስታወቀ፡፡

የረመዳን ወር በፆም ስናሳልፍ በፍቅር፣ በአንድነት በቅንነት ሊሆን እንደሚገባ ነው ጠቅላይ ሚኒስትሩ ባስተላለፉት መልዕከት የተናገሩት፡፡

የረመዳን ወር ከውሸት እና ከማሳበቅ በመራቅ ፍሬያማ ፆም ማድረግ እንደሚገባ ነው ጠቅላይ ሚኒስትሩ የገለፁት፡፡

ጠቅላይ ሚኒስትሩ የሙስሊሙ አንድነትና ሰላም ለመላው የኢትዮጵያ ህዝብ ይጠቅማል ብለዋል፡፡

የረመዳን ጾም ሊጠናቀቅ አንድ ቀን ሲቀረው በመላው ሀገሪቱ የሚገኙ የኢትዮጵያ የክርስትና እምነት ተከታዮች የመስገጃ ቦታዎችን እና መስጊዶችን ለማፅዳት ተዘጋጅተዋል ነው ያሉት፡፡

የሙስሉሙ ማህበረሰብም ዕለቱን ያላቸውን ለሌላቸው በማካፈል እንደሚያሳልፉት እምነቴ ነው ብለዋል፡፡

ከዚህ ባለፈ ሙስሊሙ ማህበረሰብ በጀመአ የሚሰግድበት እና የመላው አለም ሙስሊሞችንም ትኩረት የሚስብ መስጊድ ለመገንባት ተቀዳሚ ሙፍቲ ሐጂ ዑመር ባረቡት ጥያቄ መሰረት መንግስት ድጋፍ ዝግጁ እንደሆነ ጠቁመዋል፡፡

በዚህ ግንባታ እንደ ነጃሺ መስጊድ የክርስትና እምነት ተከታዮች እንደነበራቸው ተሳትፎ በዚህኛው ግንባታም መላው የኢትዮጵያ የክርስቲያኖች ተሳትፎ እንዲያደርጉ ጥሪ አቀርበዋል፡፡

የሙስሊሙ ማህበረሰብ 4 ቢሊየን የዛፍ ችግኞችን ለመትከል ከአንድ ወር በኋላ በሚደረገው ሀገር አቀፍ ዘመቻ ንቁ ተሳታፊ አንዲሆንም ጥሪ አቅርበዋል፡፡

በኤፍሬም ምትኩ

You might also like
Comments
Loading...