Fana: At a Speed of Life!

ሳዑዲ ዓረቢያ ሶስት ምሁራንን በሞት ልትቀጣ ነው

አዲስ አበባ፣ ግንቦት 14፣ 2011 (ኤፍ ቢ ሲ) ሳዑዲ ዓረቢያ በበርካታ የሽብር ወንጀሎች ጥፋተኛ የተባሉ ሶስት ምሁራንን በሞት ልትቀጣ መሆኑን አንድ ሪፓርት ይፋ አደረገ።

አልጀዚራ የመንግስት የመረጃ ምንጮችን ጠቅሶ እንደዘገበው  ሼህ ሳልማን አል አውዳህ፣ አዋድ አል ቃርኒ እና አሊ አል ኦማሪ  የተባሉት ሶስት  ምሁራን የረመዳን ፆም ከተጠናቀቀ በኋላ የሞት ቅጣቱ ተግባራዊ ይደረግባቸዋል ነው የተባለው።

ሼህ ሳልማን አል አውዳህ  ታዋቂና ተራማጅ የሀይማኖት ምሁር ፣ አዋድ አል ቃርኒ የሀይማኖት ሰባኪና ፀሃፊ ሲሆኑ ሶስተኛው ግለሰብ አሊ አል ኦማሪ  አንጋፍ የሚዲያ ሰው መሆኑ ተነግሯል።

ሰዎቹ የሞት ፍርድ የተላለፈባቸው በመሆናቸው ሀገሪቱ ውሳኔውን ተግባራዊ ለማድረግ ብዙ አትይቆይም ነው የተባለው፡፡

ሳዑዲ ባለፈው ወር በ37 ሰዎች ላይ ተግባራዊ ያደረገቸው የሞት ቅጣት በሀገሪቱ ላይ የቀረበውን ተቃውሞ ለመለካት እና ለመረዳት  ያስቻላት መሆኑን አንድ የመንግስት የመረጃ ምንጭ ይፋ አድርጓል።

 

ምንጭ፡- አልጀዚራ

You might also like
Comments
Loading...