Fana: At a Speed of Life!

ሳላህ እና ፈርሚኖ በነገው የቻምፒየንስ ሊግ የመልስ ጨዋታ አይሰለፉም

አዲስ አበባ ፣ ሚያዚያ 28 ፣ 2011 (ኤፍ ቢ ሲ) የሊቨርፑሎቹ አጥቂዎች ሞሃመድ ሳላህ እና ሮቤርቶ ፈርሚኖ በነገው የቻምፒየንስ ሊግ የመልስ ጨዋታ እንደማይሰለፉ ተረጋገጠ።

ሁለቱ አጥቂዎች ሊቨርፑል በቻምፒየንስ ሊጉ የግማሽ ፍጻሜ ጨዋታ ከባርሴሎና ጋር አንፊልድ ሮድ ላይ በሚያደርገው ጨዋታ በጉዳት ምክንያት ወደ ሜዳ አይገቡም።

ሳላህ ባለፈው ቅዳሜ ቡድኑ ከኒውካስትል ዩናይትድ ጋር ባደረገው ጨዋታ፥ ከግብ ጠባቂው ማርቲን ደብራቭካ ጋር ተጋጭቶ ባስተናገደው ጉዳት ከሜዳ መውጣቱ ይታወሳል።

ሌላኛው የቡድን አጋሩ ፈርሚኖ ደግሞ በጡንቻ ጉዳት ምክንያት የቅዳሜው ጨዋታ ያመለጠው ሲሆን፥ ለነገው ጨዋታም አይደርስም ተብሏል።

የሁለቱ አለመሰለፍም ለክለቡ ከባድ መሆኑን አሰልጣኙ የርገን ክሎፕ ገልጸዋል።

ክሎፕ በጨዋታው የሚችሉትን አድርገው የመጀመሪያውን ጨዋታ ውጤት ለመቀልበስ እንደሚገቡ ተናግረዋል።

ክሎፕ ቡድናቸው በአጭር ቀናት ውስጥ ተደራራቢ ጨዋታዎችን ከማድረጉ አንጻርም በነገው ጨዋታ ለውጦች ሊኖሩ እንደሚችሉ ፍንጭ ሰጥተዋል።

በቻምፒየንስ ሊጉ የግማሽ ፍጻሜ የመጀመሪያ ጨዋታ ባርሴሎና በሜዳው ካምፕ ኑ ሊቨርፑልን 3 ለ 0 ማሸነፉ ይታወሳል።

 

ምንጭ፦ ቢቢሲ

 

You might also like
Comments
Loading...