Fana: At a Speed of Life!

ሰው የማይኖርባቸው 8 ሚሊየን የጃፓን ቤቶች

አዲስ አበባ፣ ሚያዚያ 24፣ 2011 (ኤፍ ቢሲ) በጃፓን ሰው የማይኖርባቸው 8 ነጥብ 4 ሚሊየን ቤቶች እንደሚገኙ በቅርቡ  የተካሄደ የቤት ቆጠራ ውጤት አመልክቷል፡፡

በየአስር አመቱ ለሁለት ጊዜ የሚካሄደው ይህ ጥናት በሀገሪቱ የቤት ግንባታ በከፍተኛ ሁኔታ እየተካሄደ ቢገኝም  13 ነጥብ 6 በመቶ የሚሆኑት የሀገሪቱ  ቤቶች ሰው የናፈቃቸውና ኦና የሆኑ ቤቶች ናቸው ብሏል፡፡

ሰው የማይኖርባቸው የጃፓን ቤቶች ከዚህ በፊት ከነበረው የ260 ሺህ ብልጫ እንዳለው የተነገረ ሲሆን ከእነዚህ ውስጥ የተወሰኑት ለሽያጭ ወይንም ለኪራይ የተዘጋጁ እንደነበረ ነው የተጠቆመው፡፡

በሀገሪቱ የህዝብ ቁጥር እየቀነሰ የሚገኝ ቢሆንም ቤት የሚገነቡ ድርጅቶች 950 ሺህ ቤቶችን በፈረንጆቹ 2018 መገንባት እንደጀመሩ ነው መረጃዎች የሚያመለክቱት፡፡

የጃፓን የሀገር ውስጥ ሚኒስቴር  በፈረንጆቹ 2018 የታየው የህዝብ ቁጥር መቀነስ ፈጣን መሆኑ ነው የገለፀው፡፡

ኦና ሆነው የሰው ጠረን ከናፈቃቸው በርካታ ቤቶች መካከል 3 ነጥብ 4 ሚሊየን የሚሆኑት ቤቶች  ሰው እንዳይኖርባቸው በመንግስት የታገዱ ናቸው፡፡

You might also like
Comments
Loading...