Fana: At a Speed of Life!

ምክር ቤቱ በነገው ዕለት የአስተዳደር ወሰን እና የማንነት ጉዳዮች ኮሚሽን ኮሚሽነር እና ምክትል ኮሚሽነር ሹመት ያፀድቃል

አዲስ አበባ፣ ግንቦት 7፣ 2011 (ኤፍ.ቢ.ሲ) የህዝብ ተወካዮች ምክር ቤት በነገው ዕለት 4ኛ ዓመት የስራ ዘመን 39ኛ መደበኛ ስብሰባ ያካሂዳል።

በስብሰባው የአስተዳደር ወሰን እና የማንነት ጉዳዮች ኮሚሽንና የዕርቀ ሰላም ኮሚሽን ኮሚሽነሮችና እና ምክትል ኮሚሽነሮች ሹመት መርምሮ ያፅድቃል።

እንዲሁም የተፈጥሮ ሀብት፣ መስኖና ኢነርጂ ጉዳዮች ቋሚ ኮሚቴ የማዕድን ግብይትን ለማስተዳደር የቀረበ ረቂቅ አዋጅን በተመለከተ ያቀረበውን ሪፖርትና የውሳኔ ሃሳብ መርምሮ ረቂቅ አዋጁን እንደሚያፀድቅ ነው የሚጠበቀው።

ምክር ቤቱ በመደበኛ ስብሰባው የንግድ ምዝገባና ፈቃድ አዋጅን ለማሻሻል የቀረበ ረቂቅ አዋጅን ፣ የአሠሪና ሠራተኛ ጉዳይ ረቂቅ አዋጅን እና የኢትዮጵያ ፕሬስ ድርጅትን እንደገና ለማቋቋም የቀረበ ረቂቅ አዋጅን መርምሮ ለሚመለከታቸው ቋሚ ኮሚቴዎች የሚመራ መሆኑን ከምክር ቤቱ ያገኘነው መረጃ ያመለክታል።

You might also like
Comments
Loading...