Fana: At a Speed of Life!

ምርት ገበያው በሚያዝያ ወር የ3 ነጥብ 3 ቢሊየን ብር ዋጋ ያላቸው ምርቶችን አገበያየ

አዲስ አበባ፣ ግንቦት 1፣ 2011(ኤፍ.ቢ.ሲ) ኢትዮጵያ ምርት ገበያ በመጋቢት ወር  3 ነጥብ 3 ቢሊየን ብር ዋጋ ያላቸው ምርቶችን ማገበያየቱን አስታወቀ።

ምርት ገቢያው ለፋና ብሮድካስቲንግ ኮርፖሬት በላከው መግለጫ፥ በወሩ 72 ሺህ 756 ቶን ምርቶችን ማገበያየቱን አስታውቋል።

በሚያዚያ ወር 30 ሺህ  428 ቶን ቡና፣ 19 ሺህ 436 ቶን ሰሊጥ፣ 19 ሺህ 4 ቶን  ቶን አኩሪ አተር እና ና 3 ሺህ 888 ቶን ነጭ ቦሎቄ በአጠቃላይ 72 ሺህ 756 ቶን ምርት ለገበያ ቀርቧል።

ከእነዚህም ቡና 41 በመቶና 59 በመቶ የግብይት መጠንና ዋጋ በማስመዝገብ የወሩን የግብይት ከፍተኛ ድርሻ ማስኘዝገቡን ነው ምርት ገበያው ያስታወቀው።

የቡና የግብይት መጠንና ዋጋ ካለፈው መጋቢት ወር ጋር ሲነፃፀር በ0 ነጥብ 55 በመቶና በ0 ነጥብ 62 በመቶ ጭማሪ ማሳያቱንም ገልጿል።

በሚያዝያ ወር ሁሉም የቡና አይነቶች የተገበያዩ ሲሆን ለውጭ ገበያ የቀረበ ቡና 66 በመቶ የግብይት መጠንና 62 በመቶ የግብይት ዋጋ በማስመዝገብ የመጀመሪያውን ደረጃ ሲይዝ ለሀገር ውስጥ ፍጆታ የቀረበ ቡና እና ስፔሻሊቲ ቡና ተከታዩን ደረጃ  ይዘዋል፡፡

ለውጭ ገበያ የቀረበ ያልታጠበ 19 ሺህ 32 ቶን ቡና ለግብይት ቀርቦ በ1 ቢሊየን ብር የተገበያየ ሲሆን፥ በተመሳሳይም 1 ሺህ 045 ቶን ለውጭ ገበያ የቀረበ የታጠበ ቡና ለግብይት ቀርቦ በ62 ሚሊየን ብር ማገበያየቱንም አስታውቋል።

ለሀገር ውስጥ ፍጆታ የሚውል 5 ሺህ 831 ቶን ቡና ቀርቦ በ363 ነጥብ 1 ሚሊየን ብር ግብይቱ መፈፀሙን የገለፀው ምርት ገተበያው፥  ከዚህ ውስጥ የታጠበ ቡና 57 በመቶ የግብይት መጠን ድርሻ አለው፡፡

21 የግብይት ቀናት በነበሩት የሚያዚያ ወር 19 ሺህ 436 ቶን ሰሊጥ ለግብይት ቀርቦ በ1 ነጥብ 03 ቢሊየን ብር መሸጡንም ገልጿል።

19 ሺህ 004 ቶን  አኩሪ አተር ለግብይት መቅረቡንና በ261 ነጥብ 6 ሚሊየን ብር ግብይቱ መከናወኑን የተገለፀ ሲሆን፥ አጠቃላይ አኩሪ አተበግብይት መጠንና ዋጋ ካለፈው ወር ጋር ሲነፃፀር በ11 በመቶና በ7 በመቶ ቅናሽ ሲያሳይ አማካይ ዋጋው ግን በ5 ነጥብ 5 በመቶ ጨምሯል።

በዚሁ ወር 3 ሺህ 888 ቶን  ድቡልቡል ነጭ ቦሎቄ ለግብይት ቀርቦ በ73 ነጥብ 6 ሚሊየን ብር ማገበያየቱንም ነው ምርት ገበያው ያስታወቀው።

You might also like
Comments
Loading...