Fana: At a Speed of Life!

ማርክ ዙከርበርግን  ከፌስቡክ ኩባንያ ሊቀመንበርነት ለማንሳት ምርጫ ሊካሄድ ነው

አዲስ አበባ፣ ግንቦት 22፣ 2011 (ኤፍ.ቢ.ሲ) የፌስቡክ መስራችና ስራ አስኪያጅ ማርክ ዙከርበርግን ከሊቀመንበርነት ለማንሳት በድርጅቱ ዓመታዊ ጠቅላላ ጉባኤ ላይ ምርጫ እንደሚካሄድ ተነገረ፡፡

ማርክ ዙከርበርግ የግዙፉ የማህበራዊ ሚዲያ ፌስቡክን 60 በመቶ ድርሻ ባለቤት በመሆኑ ከሊቀመንበርነት  የመነሳት እድሉ ዝቅተኛ ነው እየተባለ ይገኛል፡፡

በፌስቡክ ኩባንያ የ7 ሚሊየን ዶላር ሽርክና ያለው ትሪሊውም አሴት ማኔጅመንት ማርክ ዙከርበርግ ከሊቀመንበርነት እንዲነሳ ዋነኛ መሪ እንደሆነ ነው የተነገረው፡፡

ነገር ግን  የኩባንያው የአክሲዮን ባለድርሻዎች  በዚህ ምርጫ ላይ ለማርክ ዙከርበርግ የሚሰጡት ድምፅ በአመራርነቱ ላይ ያላቸውን እምነት ያሳያል ተብሎ ይጠበቃል፡፡

ከግለሰቦች የግል መረጃ ብርበራ ጋር የተፈፀሙ ወንጀሎችን መቆጣጠር አልቻለም   የሚሉ አካላት ማርክ ዙከርበርግ ከአመራርነት እንዲነሳ ጫና ሲያደርጉ ነበር ተብሏል፡፡

ሆኖም አንድንድ አካላት ማርክ ዙከርበርግ ከሊቀመንበርነቱ መነሳቱ በስራ አስኪያጅነት በማተኮር እንዲሰራ ያስችለዋል ብለዋል፡፡

ምንጭ፡- timesnownews

You might also like
Comments
Loading...