Fana: At a Speed of Life!

ማህበሩ እንደካስተር ሴሜንያ ያሉ አትሌቶች በወንዶች ውድድር መሳተፍ እንደሚችሉ አስታወቀ

አዲስ አበባ፣ ሚያዚያ 30፣ 2011 (ኤፍ ቢ ሲ) የዓለም አቀፉ የአትሌቲክስ ፌዴሬሽን ማህበር እንደካስተር ሴሜንያ ያሉ አትሌቶች ማህበሩ ያስቀመጠላቸውን መፍትሔ የማይተገብሩ ከሆነ በወንዶች ውድድር እንዲሳተፉ መወሰኑን አስታወቀ።

ማህበሩ ባለፈው ሳምንት ያስቀመጠው መፍትሔ እንደ ካስተር ሴሜንያ ያሉ አትሌቶች የቴስቴስትሮን መጠናቸውን እንዲቀንሱ የሚያስችል መድሐኒት እንዲወስዱ ውሳኔ ላይ መድረሱ ይታወሳል።

ሆኖም የዓለም አቀፉ የህክምና ማህበር ይህ ጉዳይ በአንድ ብቸኛ ጥናት ላይ ተመስርቶ የተደረሰ ውሳኔ መሆኑንና መድሐኒቱን ማዘዝም የሙያው ስነምግባር የማይፈቅድ ነው በማለት ጥያቄ አቅርቦ ነበር።

የዓለም አቀፉ የአትሌቲክስ ፌዴሬሽን ማህበር በበኩሉ፥ ለህክምና ማህበሩ በሰጠው ምላሽ ውሳኔው ለ15 ዓመታት መረጃ ላይ ተመስርቶ በተደረገ ጥናት መሰረት የተደረሰ  ውሳኔ መሆኑን ገልጿል።

ማህበሩ መድሐኒቱን ለመውሰድ ፍቃደኛ ያልሆኑ በ400፣ በ800 እና በ1500 የሚወዳደሩ የቴስቴስትሮን መጠናቸው ከፍተኛ የሆኑ ሴቶች በወንዶቹ ውድድር እንዲሳተፉ መወሰኑንም አስታውቋል።

ከዚህ በኋላም በዓለም አቀፍ የአትሌትክስ ውድድሮች ላይ ማህበሩ ያስቀመጠውን መመሪያ እንዲከተሉ ወስኗል።

 

 

ምንጭ፦ኒውስ2

 

You might also like
Comments
Loading...