Fana: At a Speed of Life!

ለባለሃብቶች ምዝገባና ፍቃድ መስጠት የሚያስችል የቀጥታ ኢንተርኔት አገልግሎት ይፋ ሆነ

አዲስ አበባ፣ ግንቦት 16፣ 2011 (ኤፍ.ቢ.ሲ) የኢትዮጵያ ኢንቨስትመንት ኮሚሽን ለባለሃብቶች ምዝገባና ፍቃድ መስጠት የሚያስችል የቀጥታ የኢንተርኔት አገልግሎት መግቢያ (ፖርታል) ይፋ አደረገ።

የቀጥታ አገልግሎት መግቢያው በቻይና ማንዳሪን ቋንቋና በእንግሊዝኛ ቋንቋዎች የተዘጋጀ ነው ተብሏል።

የኢትዮጵያ ኢንቨስትመንት ኮሚሽን ኮሚሽነር አቶ አበበ አበባየሁ መግቢያው፥ ባለሃብቶች ባሉበት ቦታ ሆነው የኢንቨስትመንት ምዝገባና ፍቃድ እንዲያገኙ እንደሚያስችላቸው ተናግረዋል።

በኢንቨስትመንት ላይ የተሰማሩ ተቋማት ኢንቨስትመንታቸውን ለማስፋፋት ወይም ፍቃዳቸውን ባሉበት ሆነው ለማቋረጥ ቢፈልጉ የተዘረጋው ስርዓት አገልግሎቱን እንዲያገኙ ይረዳቸዋል ነው የተባለው።

እንዲሁም ኢትዮጵያ ያሏትን የኢንቨስትመንት አማራጮች ለማስተዋወቅና የውጭ ኢንቨስትመንት ፍሰትን ለማጎልበት አስተዋጽዖ እንደሚያበረክትም ተገልጿል።

የመግቢያው ይፋ መሆን ኮሚሽኑ ቀልጣፋና ውጤታማ አሰራሮችን ለመዘርጋት ከያዛቸው እቅዶች መካከል አንዱ ነው ተብሏል።

ባለሃብቶችም ከዚህ በታች በተጠቀሰው የቀጥታ ኢንተርኔት አገልግሎት አማካኝነት መግባት ይችላሉ፤

@ http://cn.investethiopia.gov.et

በአወል አበራ

You might also like
Comments
Loading...