Fana: At a Speed of Life!

189 መንገደኞችን በሚይዘው ቦይንግ 737 አውሮፕላን ብቻውን የተጓዘው መንገደኛ

አዲስ አበባ፣ መጋቢት 26፣ 2011 (ኤፍ.ቢ.ሲ) ሰኪርማንት ሰትሪማቲስ የተባለው መንገደኛ ወደ ሰሜን ጣሊያን በሚደረገው በረራ ትኬቱን ሲቆርጥ ብቸኛ ተጓዥ እሆናለሁ ብሎ አላሰበም፡፡

የሊቲኒያ ዜግነት ያለው ይህ ግለሰብ ከቪልኒው ወደ ቤርጋሞ በረራ ለማድረግ ወደ አውሮፕላኑ በገባበት ወቀት ብቸኛ መንገደኛ ሆኖ ራሱን ሲያገኝ ከፍተኛ ድንጋጤ አንደተሰማው ይናገራል፡፡

189 ተሳፋሪዎች መያዝ በሚችለው በዚህ የመንገደኞች አውሮፕላን ሁለት ፓይለቶችን እና አምስት የመስተንግዶ አባላትን እንዲሁም በተሳፋሪነት ይህ ግለሰብ ብቻ እንደነበረ ተጠቁሟል፡፡

ግለሰቡ ይህን ተከትሎም የተፈጠረ ነገር ይኖራል በማለት ወደ አውሮፕላን ማረፊያው ሲያቀና የቦይንግ 737 800 አውሮፕላን አባላት እየጠበቁት መሆኑ እና ብቸኛው ተጓዥ መሆኑ ተነግሮታል፡፡

አውሮፕላኑ ከቤርጋሞ ወደ ከቪልኒው ያቀናው የቡድን ተጓዦችን በመያዝ ሲሆን ያለተጓዥ ላለመመለስ የአንድ በረራ ትኬት ሽያጭ ማድረጉ ነው የተነገረው፡፡

ነገር ግን በተፈፀመው የትኬት ሽያጭ ይህ ግለሰብ በብቸኝነት ትኬት መግዛቱ ነው የተነገረው፡፡

ሰኪርማንት ሰትሪማቲስ የተባለው ይህ ግለሰብ ስለ አጋጣሚው ሲናገር የአውሮፕላኑ የበረራ አስተናጋጆችም ግራ የመጋባት ስሜት እንደነበረባቸው በመግለፅ ለእነሱም አዲስ ልምድ እንደነበረ ተናግሯል፡፡

በቅድሚያ አስፈላጊ የሆነ የበረራ ቅድመ ጥንቃቄዎች ካሟላ በኋላ ራሱን ፎቶ በማንሳትና በመፃፍ ጉዞውን እንዳደረገ ለሲኤንኤን ትራቭል አስታውቋል፡፡

 

በኤፍሬም ምትኩ

You might also like
Comments
Loading...