Fana: At a Speed of Life!

ፕሬዚዳንት ኪም ጆንግ ኡን ከፕሬዚዳንት ትራምፕ ጋር ለ3ኛ ጊዜ ለመገናኘት እንደሚፈልጉ ገለጹ

አዲስ አበባ፣ ሚያዚያ 05 ፣2011 (ኤፍ.ቢ.ሲ) የሰሜን ኮርያው ፕሬዚዳንት ኪም ጆንግ ኡን ለሶስተኛ ጊዜ ከአሜሪካው ፕሬዚዳንት ዶናልድ ትራማፕ ጋር ለመገናኘት ፍለጎት ያላቸው መሆኑን ተናግረዋል።

ኪም አሜሪካ በትክክለኛው መንገድና በቀና አስተሳሰብ በልዩታቸው ዙሪያ ለመምከር ፈቃደኛ ከሆነች ከፕሬዚዳንት ትራምፕ ጋር ለመወያየት  ፍላጎታ ያላቸው መሆኑን አስታውቀዋል ።

ሁለቱ መሪዎች ባለፈው የካቲት ወር ላይ ለሁለተኛ ጊዜ  በቬትናም ሀኖይ ተገናኝተው በተለያዩ ጉዳዮች ዙሪያ መምከራቸው ይታወቃል ።

ይሁን እንጂ የተካሄደው ጉባኤ ያለ ስምምነት መጠናቀቁን ያስተወሱት ኪም፥አሜሪካ በአሁኑ ወቅት የምትከተለውን ስልት በማቆም ወቅታዊ ሁኔታውን ያገናዘበ የስምምነት ማዕቀፍ መከትል እንደሚገባት አሳስበዋል።

አሜሪካ ይህን ሃሳብ የምትቀበል ከሆነም ሰሜን ኮሪያ በማንኛውም ጊዜ በልዩነታቸው ዙሪያ ለመምከር ዝግጁ መሆኗል ጠቁመዋል።

ለሚደረገው ውይይትም አሜሪካ በጉዳዩ ዙሪያ ጊዜ ወስዳ ትመክር ዘንድ ጊዜ ሊሰጣት ይገባል ያሉት ኪም፥ ለዚህም   እስከ ያዝነው ዓመት መጨረሻ እንጠብቃታለን ብለዋል።

ሁለቱ መሪዎች በቅርቡ በቬትናም ሀኖይ ባደረጉት ውይይት ስምምነት ላይ ለመድረስ የሚያስችሉ ጉዳዮች ቢኖሯቸውም ስምምነቶችን ለመፈረም ግን  ፍላጎት የሌላቸው መሆኑን ገልጸው ነበር ።

በውይይቱ ወቅት ሰሜን ኮሪያ በአሜሪካ የተጣሉባትን ማዕቀቦች ሙሉ ለሙሉ እንዲነሱ ጠይቃለች።

ሰሜን ኮርያ የኒውክሌር ማዕከሎቿን እንደምትዘጋ ብታስታውቅም ፕሬዚዳንት ትራምፕ ሰሜን ኮርያ በጠየቀችው መሰረት ሁሉንም ማዕከሎቿን ለመዝጋት ያለመፈለጓን ጠቅሰው፥ በዚህም አሜሪካ ሀገሪቱ ላይ የጣለችውን ማዕቀብ እንደማታነሳ አጽንዖት ሰጥተው መናገራቸው የረታወሳል ።

 

ምንጭ ፦አልጀዚራ

You might also like
Comments
Loading...