Fana: At a Speed of Life!

ፕሬዚዳንት ሣህለወርቅ ዘውዴ ኢቫንካ ትራምፕን አነጋገሩ

አዲስ አበባ፣ ሚያዚያ 7፣ 2011 (ኤፍ.ቢ.ሲ) ፕሬዚዳንት ሣህለወርቅ ዘውዴ ኢቫንካ ትራምፕን አነጋገሩ፡፡

ፕሬዚዳንት ሣህለወርቅ ዘውዴ በኢትዮጵያ የሁለት ቀናት ጉብኝት ለማድረግ አዲስ አበባ የምትገኘውን የአሜሪካውን ፕሬዝደንት ልጅ ኢቫንካ ትራምፕን አነጋገሩ፡፡

በፕሬዚዳንት ትራምፕ የተቀረጸውና በዓለም ላይ ያሉ ሴቶችን ለመደገፍ ያለመው ኢንሽየቲቭ ጥሩ እርምጃ መሆኑን የገለጹት ፕሬዚዳንት ሣህለወርቅ ዘውዴ ፕሮግራሙ ሴቶችን ማዕከል እስካደረገና ከፍ ወዳለ ደረጃ የሚያሸጋግር እስከሆነ ድረስ ተቀባይነት የሚኖረው ነው ብለዋል፡፡

ኢትዮጵያ የሴቶችን አቅም ለማጎልበት በአዲስና በተለየ የለውጥ አቅጣጫ እየተንቀሳቀሰች መሆኑን አንስተው በተለይም ሴቶች ወደ ከፍተኛ ትምህርት ተቋማት ከገቡ በኋላ የሚያጋጥሟቸውን ችግሮች በመፍታት ትምህርታቸውን በስኬት ጨርሰው እንዲወጡ ለማድረግ በሚቻልባቸው መንገዶች ላይ ትኩረት መደረጉን ነው ያብራሩት፡፡

በሴቶች ዙሪያ ከሚሰሩ መንግስታዊ ያልሆኑ ድርጅቶችንም ጋር በመቀናጀት የተሻለ ስራ መፈጸም የሚቻልባቸው ጉዳዮችም ላይ በስፋት እንደሚሰራበት ጠቅሰዋል፡፡

ኢቫንካ ትራምፕ በበኩሏ ፕሬዚዳንት ዶናልድ ትራምፕ በዓለም ላይ እስከ 2025 ድረስ 50 ሚሊዮን ሴቶችን ተጠቃሚ የሚያደርግ ኢኒሽየቲቭ ይፋ ማድረጋቸውን አስታውሳለች ፡፡

ይህ ባለፈው የካቲትወር ይፋ የተደረገው ፕሮግራም በሶስት መሰረታዊ ጉዳዮች ላይ እንደሚያተኩር የገለጸችው ኢቫንካ ትራምፕ የሴቶችን አቅም ማጎልበት፣ የሴቶችን የሥራ ፈጣሪነት እድል ማስፋትና ለሴቶች አጋዥ የሆኑ ህጎችና ደንቦችን ማጠናከር የሚሉጥ የፕሮግራሙ ማጠንጠኛዎች እንደሆኑ ነው በማብራራሪዋ ያመለከተችው፡፡

ከዚህም አንጻር በኢትዮጵያ የሴቶችን ተሳትፎና ተጠቃሚነት ለማጎልበት የሚከናወኑ ተግባራት የሚደነቁ መሆኑን የጠቀሰችው ኢቫንካ ትራምፕ ይህን ሂደትም አሜሪካ በተለያየ መንገድ እንደምትደግፈው ተናግራለች፡፡

በአጠቃላይ ኢትዮጵያ በሁሉም መስክ የተያያዘችውን የለውጥ ሂደትም አስደናቂ መሆኑን ነው የገለጸችው፡፡

You might also like
Comments
Loading...