Fana: At a Speed of Life!

ጠ/ሚ ዶክተር አብይ አሕመድ በቻይና ለኢትዮጵያ እየተገነባች ያለቸውን ሳተላይት ጎበኙ

አዲስ አበባ፣ ሚያዚያ 18፣ 2011 (ኤፍ.ቢ.ሲ) ጠቅላይ ሚኒስተር ዶክተር አብይ አሕመድ በቻይና ለኢትዮጵያ እየተገነባች ያለቸውን ሳተላይት ጎበኙ፡፡

በኢትዮጵያ የሕዋ ሳይንስና ቴክኖሎጂ ኢንስትቲዩት (ኢ.ኤስ.ኤስ.ቲ.አይ) ሥር ሳተላይትን በማደራጀት በቻይና መንግሥት እርዳታ ወደ ጠፈር በሚቀጥለዉ አመት መጨረሻ ለማምጠቅ በዝግጅት ላይ መሆኗ ተገልጿል።

ሳተላይቷ ለግብርና ዕቅድ፣ ለድርቅ ቅድመ ጥንቃቄና ለደን አስተዳደር፣ የአየር ንብረት ሁኔታን ለመተንበይ እንደምታገለግልም የጠቅላይ ሚኒስትር ጽህፈት ቤት መረጃ ያመለክታል።

በተያያዘ ዜና የሸገርን የማስዋብ የወንዝ ዳር ፕሮጀክት አሥራ ሁለቱ ኪሎ ሜትር መንገድና የአደባባይ ግንባታ ሥራ የቻይና መንግሥት የሚደገፍ መሆኑ ተገልጿል፡፡

ጠቅላይ ሚኒስትር ዶክተር አብይ አሕመድ የቻይና የከተማ ኮንስትራክሽን ንድፍና ምርምር ተቋምን በመጎብኘት የሸገርን የማስዋብ የወንዝ ዳር ፕሮጀክት የቀረበውን ንድፍና ልማት ዕቅድ ጎብኝተዋል፡፡

ጠቅላይሚኒስትር ዶክተር አብይ አሕመድ ኢንጅነሮቹ የንድፍ ስራውን የአዲስ አበባ ከተማን ነባራዊ ሁኔታ ባገናዘበ መልኩ በማዘጋጀታቸው በማመስገን ለቀጣይ አካሄድም አቅጣጫ ሰጥተዋቸዋል::

Photo credit፡ office of the prime minister-ethiopia

You might also like
Comments
Loading...