Fana: At a Speed of Life!

ጠ/ሚ ዶክተር አብይ በታይም መፅሄት የ2019 ከ100 ተፅእኖ ፈጣሪዎች ግለሰቦች ዝርዝር ውስጥ ተካተቱ

አዲስ አበባ ፣ ሚያዚያ 9 ፣ 2011 (ኤፍ ቢ ሲ) ጠቅላይ ሚኒስትር ዶክተር አብይ አህመድ በታይም መፅሄት የ2019 ከ100 ተፅእኖ ፈጣሪዎች ግለሰቦች ዝርዝር ውስጥ ተካተቱ።

የታይም መፅሄት በየአመቱ አመታዊ ተፅእኖ ፈጣሪዎችን ዝርዝር የሚያወጣ ሲሆን ዘንድሮም 16ኛ አመቱ ላይ ደርሷል።

በዘንድሮው አመትም ከ100 ተፅዕኖ ፈጣሪ ግለሰቦች መካከል በመሪዎች ዘርፍ መካተታቸውን ከጠቅላይ ሚኒስትር ፅህፈት ቤት ያገኘነው መረጃ ያመላክታል።

በዚህም በአለም ዙሪያ በስኬት፣ በመብት ተከራካሪነት፣ በፈጠራ ደረጃ የተሳካለቸው ያላቸውን ግለሰቦች ይሰይማል።

በዘንድሮው ዝርዝር ውስጥ የአሜሪካው ፕሬዚዳንት ዶናልድ ትራምፕ፣ ቤንያሚን ኔታንያሁ፣ የደቡብ አፍሪካው ፕሬዚዳንት ሲሪል ራማፎሳ፣ የቻይናው ፕሬዚዳንት ዢ ጂንፒንግ እንዲሁም ያከቶሊኩ ሊቀ ጳጳስ አቡነ ፍራንሲስ ተካተዋል።

በተጨማሪም ሚሼል ኦባማ፣ የፌስ ቡክ መስራችና ባለቤት ማርክ ዙከርበርግ፣ የግብጹ ኮከብ ሞሃመድ ሳላህ እና ተወዳጅነትን ባተረፈው ተከታታዩ የጌም ኦፍ ትሮንስ ፊልም ላይ የተወነችው ኤሚሊያ ክላርክ ስም ከ2019 ተፅዕኖ ፈጣሪዎች ዝርዝር ውስጥ ተካቷል።

 

You might also like
Comments
Loading...