Fana: At a Speed of Life!

ጎልደን አፍሪካ ኩባንያ በኢትዮጵያ በምግብ ዘይት ማምረቻ ዘርፍ ሊሰማራ ነው

አዲስ አበባ ፣ ሚያዚያ 15 ፣ 2011 (ኤፍ ቢ ሲ) የማሌዥያው ጎልደን አፍሪካ ኩባንያ በኢትዮጵያ በምግብ ዘይት ማምረቻ ዘርፍ ሊሰማራ መሆኑን አስታወቀ።

የኢፌዴሪ የንግድና ኢንዱስትሪ ሚኒስትር ወይዘሮ ፈትለወርቅ ገብረእግዚአብሄር ከኩባንያው የስራ ሃላፊዎች ጋር ተወያይተዋል።

በዚህ ወቅትም ኩባንያው በኢትዮጵያ በምግብ ዘይት ማምረቻ ዘርፍ የመሰማራት ፍላጎት እንዳለው ገልጿል።

ሚኒስትሯ ለፍጆታ ከሚውለው የምግብ ዘይት ውስጥ 90 በመቶው ከሌሎች ሃገራት በግዥ እንደሚገባ አንስተዋል።

አሁን ላይ የምግብ ዘይት ፍላጎቱ ከፍ እያለ መምጣቱን ጠቅሰው፥ በዘርፉ መሰማራት ውጤታማ እንደሚያደርግ ገልጸዋል።

መንግስት በማምረቻው ዘርፍ ለሚሰማሩ ባለሃብቶች ቅድሚያ እንደሚሰጥ መናገራቸውን ከንግድና ኢንዱስትሪ ሚኒስቴር ያገኘነው መረጃ ያመላክታል።

የጎልደን አፍሪካ ማኔጂንግ ዳይሬክተር ፉዓድ ሃዬል በበኩላቸው፥ ኢትዮጵያ ለጂቡቲ ወደብ ካላት ቅርበትና ካለው የሰው ሃይል አኳያ ተመራጭ የባለሃብቶች መዳረሻ መሆኗን ጠቅሰዋል።

ኩባንያቸው በኢትዮጵያ በምግብ ዘይት ማምረቻ ዘርፍ እንደሚሰማራ ጠቁመው፥ ለ1 ሺህ 500 ሰዎች የስራ እድል የሚፈጥር ፋብሪካም በሁለት አመት ጊዜ ውስጥ ወደ ስራ ይገባል ብለዋል።

 

 

 

You might also like
Comments
Loading...