Fana: At a Speed of Life!

ዩጋንዳ በፕሬዚዳንታዊ ምርጫ አስቀምጣው የነበረውን የእድሜ ገደብ አነሳች

አዲስ አበባ፣ ሚያዚያ 11፣ 2011 (ኤፍ.ቢ.ሲ) የዩጋንዳ ከፍተኛው ፍርድ ቤት በፕሬዚዳንታዊ ምርጫ ለመወዳደር ተቀምጦ የነበረውን የእድሜ ገደብ አነሳ፡፡

ከዚህ ቀደም በሃገሪቱ ፕሬዚዳንታዊ ምርጫ ለመወዳደር ከ75 አመት በላይ አይፈቀድም ነበር።

የአሁኑ የእድሜ ገደብ መነሳት የ74 አመቱ የሀገሪቱ ፕሬዚዳንት ዩዌሪ ሙሴቬኒ በፈረንጆቹ 2021 በሚካሄደው ፕሬዚዳንታዊ ምርጫ እንዲወዳደሩ ያስችላቸዋል።

በዳኝነት ስነ ስርዓቱ ላይ አራት ዳኞች የፕሬዚዳንት የእድሜ ገደብ እንዲነሳ የሚያስችለውን ማሻሻያ ሲደግፉ ሶስቱ ደግሞ ተቃውመዋል፡፡

ሙሴቬኒ ሁለት ጊዜ የነበረውን የሃገሪቱ የፕሬዚዳንትነት የስልጣን ጊዜ በፈረንጆቹ 2005 በማሻሻል በድጋሚ መወዳደር የሚያስችላቸውን እድል ማመቻቸታቸው ይነገራል።

ውሳኔውን የሚቃወሙ አካላትም ለ30 ዓመታት ሀገሪቱን ያስተዳደሯት ፕሬዚዳንት ዩዌሪ ሙሴቬኒ የህይወት ዘመን ፕሬዚዳንት እንዲሆኑ መንገድ የሚከፍት ነው ብለዋል፡፡

ምንጭ፡-ቢቢሲ

You might also like
Comments
Loading...