Fana: At a Speed of Life!

የጦር መሳሪያ አስተዳደርና ቁጥጥር ረቂቅ አዋጅ ለምክር ቤቱ ቀረበ

አዲስ አበባ፣ ሚያዚያ 8፣ 2011 (ኤፍ.ቢ.ሲ)የጦር መሳሪያ አስተዳደርና ቁጥጥር ረቂቅ አዋጅ ለህዝብ ተወካዮች ምክር ቤት ቀረበ።
 
የኢፌዴሪ የህዝብ ተወካዮች ምክር ቤት 33ኛ መደበኛ ስብሰባውን በዛሬው እለት በማካሄድ ላይ ይገኛል።
 
ምክር ቤቱ በዛሬው መደበኛ ስብሰባው የጦር መሳሪያ አስተዳደርና ቁጥጥር ረቂቅ አዋጅ ቀርቦለት ውይይት አድርጎበታል።
 
የጦር መሳሪያ አስተዳደርና ቁጥጥር ረቂቅ አዋጅ የጦር መሳሪያ ቁጥጥር የሀገርንና የህዝብን ሰላምና ፀጥታ ለማስጠበቅ እንዲሁም የዜጎችን እና የህዝቦችን መብትና ደህንነት ለማስከበር አስፈላጊ መሆኑን በመገንዘብ መዘጋጀቱ ተነግሯል።
 
እንዲሁም ግለሰቦች የታጠቋቸውን የጦር መሳሪያዎች የህብረተሰቡን ሰላምና ፀጥታ ለማስጠበቅ ተግባር ሊውሉ የሚችሉበትን እድል መፍጠር አስፈላጊ በመሆኑ ነው የተዘጋጀው ተብሏል።
 
በስራ ላይ ባሉ ህጎችና አሰራሮች ያልተፈተሹ ጉዳዮችን በዝርዝር ህግ መደንገግ እና ወጥነት ያለው ስርዓት መፍጠር በማስፈለጉና ሀገሪቱ ያፀደቀቻቸውን ህገ ወጥ የጦር መሳሪያ ቁጥጥርን የሚመለከቱ ዓለም አቀፍ ስምምነቶችን ለማስፈፀምና ዓለም አቀፍ ትብብር ለማድረግ የሚያስችል ስነ ስርዓት መዘርጋት አስፈላጊ በመሆኑ መዘጋጀቱን ታውቋል።
 
በረቂቅ አዋጁ የተቀመጠው ድንጋጌ ማንኛውም አይነት የጦር መሳሪያ ፣ብዛት ያላቸው ጉዳት አድራሽ ስለቶችና ተያያዝነት ያላቸውን የመሳሪያው መገልገያዎችን ይመለከታል።
 
በዚህም ከፍቃድ ውጪ የጦር መሳሪያ፣የጉዳት ማድረሻ እቃ፣ የጦር ሜዳ መነጽር፣ በጦር መሳሪያ ላይ ሊገጠም የሚችል ማንኛውም አይነት መነጽር ወደ ነሀገር ማስገባት፣ ከሀገር ማውጣት፣ መያዝ፣ ማስቀመጥ፣ ማከማቸት፣ መገልገል፣ ማሳየት፣ መደለል፣ መሸጥ፣መግዛት፣ ማስተላለፍ፣ማዘዋወር፣ መጓጓዝ፣ ማምረት፣ ማሰልጠንና ማስወገድ ክልክል ይሆናል።
 
በዚህ ረቂቅ አዋጅ እንደ ሳንጃ፣ ገጀራ፣ ሴንጢ፣ አስለቃሽ ጭስና ኬሚካሎች ለህብረተሰቡ አደገኛ በሆነ ሁኔታ መገልገልና በብዛት ይዞ መገኘት ነው ክልከላ የተቀመጠበት።
 
ፍቃድ በሚሰጣቸው የጦር መሳሪያዎች መለያ ምልክት ያለው ውይም ሊኖረው ይገባል።
 
ይህም የመሳሪያ አምራች ከሌሎው ደግሞ በተቆጠጣሪ ተቋሙ መለያ እንዲኖረው ይደረጋል።
 
የጦር መሳሪያ ፍቃድ ያላቸው አካላት ሰላማዊ ሰልፍ ወይም አድማ በሚደረግባቸው አከባቢ፣በምርጫ ቦርድ በተከለከሉ ስፍራዎች፣ በህዝብ መዝናኛና በስፖርት ማዝወተሪያ፣ በትምህርትና ሀይማኖት ተቋማት እና መሰል የህዝብ አገልግሎት መስጫ ስፍራዎች ይዞ መገኘትን ይከለክላል።
 
ፍቃድ ማግኘት ክልከላ የተደረገባቸው ተቋማትም የፖለቲካ ፓርቲዎች፣ የሀይማኖትና የእምነት ተቋማት፣የበጎ አድራጎት ድርጅትና ማህበራት እንዲሁም የትምህርት ተቋማት ናቸው።
 
የጠር መሳሪያ ፍቃዱ በአዋጁ የተቀመጠ ሲሆን፥ የጥይት ብዛት በመመሪያ የሚቀመጥ ይሆናል።
 
ቀደም ብለው የታጠቁት የህብረተሰብ ክፍሎች የታጠቁት የጦር መሳሪያ ያልተከለከለ እስከሆነ ድረስ በእንደ ዓመት የሽግግር ጊዜ ተቆጣጣሪው ተቋም በአከባቢያቸው ተገኝቶ በሚያወጣው የጊዜ ሰሌዳ ቀርበው ህጋዊ ማድረግ ይኖርባቸዋል።
 
ሆኖም በጊዜ ገደቡ ውስጥ ፍቃድ ያልወጣበት የጦር መሳሪያ በተቆጣጣሪው ይወረሳል።
 
የጦር መሳሪያ ፍቃዱ ለግለሰብ በሁለት አመት ለድርጅት ደግሞ በ5 አመት መታደስ አለበት።
 
ተቆጣጣሪው ተቋም የፌደራል ፖሊስም ብሄራዊ የጦር መሳሪያ ቁጥጥር ስራ ክፍል አደራጅቶ በቴክኖሎጂ በታገዝ ምዝገባውን መከናወን እንዳለበት በዚሁ ረቂቅ ላይ ተቀምጧል፤ የጦር መሳሪያ ፍቃዱ አነስተኛ ወይም ቀላል መሳሪያን ለአንድ ሰው አንድ ብቻ የሚፈቅድ ነው።
 
ፍቃድ ለማግኘት ከሚያስፈልጉ መስፈርቶች ኢትዮጵያዊ ዜግነት ያለው ወይም በኢትዮጵያ የመኖር ፍቃድ ያገኘ።
የአደንዛዥ እጽ ወይም የመጠጥ ሱስ የሌለበትና የአእምሮው ሁኔታ የተስተካከለ።
 
ከአከባቢው የመልካም ስነ ምግባር መገለጫ ማረጋገጫ ማቅረብና መሰል መስፈርቶች ያስቀመጠ ነው።
 
በረቂቅ አዋጁ የወንጀል ተጠያቂነትም ያስቀመጠ ሲሆን፣ ማንኛውም ሰው በአዋጁ የተመለከተውን ክልከላና ግዴታ በመተላለፍ የጸና ነፍቃድ ሳይኖረው የጦር መሳሪያዎችን ያስቀመጠ፣ የያዘ፣ ያመረተ፣ ከሀገር ያወጣና ያስገባ መሰል ክልከላዎችን ሲተላለፍ እስከ 3 አመትና ጽኑ እስራትና እስከ 10 ሺ ብ ይቀጣል።
 
በዚሁ አንቀጽ ላይ የተባሉትን በብዛት የጦር መሳሪያዎችን ይዞ የፈጸመ ሲሆን ደግሞ እስከ 15 አመት ጽኑ እስራትና እሰከ 100 ሺ ብር የገንዘብ መቀጮ ይጣልበታል።
የወንጀል ተጠያቂነቱ በየደረጃው በዝርዝር ተቀምጧል።
በረቂቅ አዋጁ ለፀጥታ አስከባሪ አካላት የሚፈቀድ የጦር መሳሪያ አይነትና ብዛት እንዲሆም በክልሎች የሚገኙ የህግ አስከባሪ አካላት ተልኮና ሌሎች ጉዳዮችን በሚመለከት የሚኒስትሮች ምክር ቤት ደንብ እንዲወጣ ተቀምጧል።
 
ከሚስጥራዊነት አንጻር የመከላከያ ሰራዊትና የብሄራዊ መረጃና ደህንነት አገልግሎት ላይ ተፈጻሚ አይሆንም።
 
ምክር ቤቱ ረቂቁን መርምሮ ለተጨማሪ እይታ በዋነኝነት ለውጪ ጉዳይና ሰላም ጉዳዮች ቋሚ ኮሚቴ እንዲሁም በረዳትነት ለህግ ፍትህና ዴሞክራሲ ጉዳዮች ቋሚ ኮሚቴ መርቶታል።
በሀይለኢየሱስ ስዩም
You might also like
Comments
Loading...