Fana: At a Speed of Life!

የግብጹ ፕሬዚዳንት አብዱል ፈታ አል ሲሲ በሱዳን እና በሊቢያ ወቅታዊ ጉዳይ ላይ ሃገራትን ሊያወያዩ ነው

አዲስ አበባ ፣ ሚያዚያ 15 ፣ 2011 (ኤፍ ቢ ሲ) የወቅቱ የአፍሪካ ህብረት ሊቀ መንበርና የግብጹ ፕሬዚዳንት አብዱል ፈታ አል ሲ ሲ በሱዳን እና በሊቢያ ወቅታዊ ጉዳይ ላይ ሃገራትን ሊያወያዩ ነው።

አል ሲ ሲ በዛሬው እለት በካይሮ የጠሩት አስቸኳይ ስብሰባ በሁለቱ ሃገራት ወቅታዊ የፖለቲካ ሁኔታ ላይ ያተኮረ ነው ተብሏል።

በስብሰባው በሱዳን የሃገሪቱ ጦር ስልጣኑን ከተቆጣጠረ በኋላ የመጡ ለውጦችንና በሊቢያ ያለውን ቀውስ ማስቆም በሚቻልበት አግባብ ላይ ይመክራሉም ነው የተባለው።

በዚህ ስብሰባ ላይ የቻድ፣ የሩዋንዳ፣ ኮንጎ፣ ሶማሊያ፣ ጅቡቲ እና የደቡብ አፍሪካ መሪዎች የሚሳተፉ ይሆናል።

ከዚህ ባለፈም ከኢትዮጵያ፣ ደቡብ ሱዳን፣ ኡጋንዳ፣ ኬንያ እና ናይጀሪያን ጨምሮ የአፍሪካ ህብረት ኮሚሽን ሊቀ መንበር ሙሳ ፈቂ ማህማት እንደሚሳተፉም ይጠበቃል።

በሱዳን አሁን ያለውን ሁኔታ በማርገብ ሰላምና መረጋጋት ማረጋገጥ የሚቻልበትን አግባብ ማምጣት የውይይቱ አጀንዳ እንደሚሆን ነው የሚጠበቀው።

በሊቢያ ደግሞ ፖለቲካዊ ውጥረቱን ማርገብና በአካባቢው ያለውን የሽብርተኝነት ድርጊት መግታት የውይይቱ ዋነኛ አላማ መሆኑን መረጃዎች ያመላክታሉ።

ባለፈው ሳምንት የአፍሪካ ህብረት የሱዳን ጊዜያዊ ወታደራዊ ምክር ቤት አሁን የያዘውን ስልጣን በ15 ቀናት ውስጥ ለህዝቡ ካላስረከበ ማዕቀብ እንደሚጥል መግለጹ ይታወሳል።

 

 

ምንጭ፦ ሲ ጂ ቲ ኤን

You might also like
Comments
Loading...