Fana: At a Speed of Life!

የግሪክና የስፔን ዶክተሮች ከሶስት ሰዎች የተውጣጣ ልጅ በሰላም እንዲወለድ አድርገዋል

አዲስ አበባ፣ ሚያዚያ 4፣ 2011 (ኤፍ.ቢ.ሲ) የግሪክና ስፔን የስነ ተዋልዶ ህክምና ዶክተሮች ከሶስት ሰዎች የተውጣጣ ልጅ በሰላም እንዲወለድ ማድረጋቸው ተነግሯል።

የስነ ተዋልዶ ህክምና ዶክተሮቹ ይህን አወዛጋቢ ምርምር ልጅ መውለድ የማትችልን እናት ችግር ለመፍታት በማሰብ ማድረጋቸው ተሰምቷል።

ምርምሩን ለማድረግም መውለድ ከማትችለዋ እናት ዘረመል፣ ከአባትየው የወንድ ዘር እና ከሌላኛዋ ፈቃደኛ ለጋሽ ሴት ደግሞ የሴቴ እንቁላል ወስደዋል።

የተካሄደው ምርምርም አራት ጊዜ ፀንሳ ልጅ መውለድ ያልቻለችን እናት ወንድ ልጅ ለመሳም አስችሏታል።

ከሶስት ወላጆች የተገኘው ይህ ታሪካዊ ህፃንም 2 ነጥብ 9 ኪሎ ግራም የሚመዝን ሲሆን፥ ወላጅ እናትና ልጅም በጥሩ የጤንነት ሁኔታ ላይ እንደሚገኙ ተገልጿል።

እንደ ህክምና ባለሙያዎች ገለፃ ይህ አዲስ የምርምር ውጤት በዓለም ላይ በተለያዩ ችግሮች ምክንያት ልጅ መውለድ ለማይችሉ ጥንዶች ጥልቅ የምስራች ነው።

በተለይም በዘር ለሚተላለፈው ማይቶ ኮንድሪያ ለተሰኘው በሽታ ለተጋለጡ እና መውለድ ለማይችሉ እናቶች መሰሎቻቸውን ለመተካት ሁነኛ መፍትሄ መሆኑን ዶክተሮቹ ተናግረዋል።

ምንጭ ፦ሲ ኤን ኤን

You might also like
Comments
Loading...