Fana: At a Speed of Life!

የጉምሩክ ፖሊስ ወደ ስራ ገባ

አዲስ አበባ፣ ሚያዚያ 15፣ 2011 (ኤፍ ቢ ሲ) ኮንትሮባንድንና ህገ ወጥ ንግድን ለመከላከልና ለመቆጣጠር የተቋቋመው የጉምሩክ ፖሊስ ወደ ስራ መግባቱ ተገለፀ።

ኮንትሮባንድ መከላከል ዋነኛ ስራው የሆነው የጉምሩክ ፖሊስ ተጠሪነቱ ለፌዴራል ፖሊስ ኮሚሽን መሆኑም ተነግሯል።

በዛሬው እለትም በፌደራል ፖሊስ ኮሚሽን ስን የኮንትሮባንድ ፖሊስ ዳይሬክቶሬትን ለማቋቋም የሚያስችል የስመምነት ሰነድ በፌደራል ፖሊስ ኮሚሽን እና በጉሙሩክ ኮሚሽን መካከል ተፈርሟል።

የመግባቢያ ስመምነት ሰነዱንም የጉምሩክ ኮሚሽን ኮሚሽነር አቶ ደበሌ ቃበታ እና የፌዴራል ፖሊስ ኮሚሽን ምክትል ኮሚሽነር ጄነራል መላኩ ፈንታ ፈርመዋል።

በስምምነቱ መሰረትም ተጠሪነቱ ለፌደራል ፖሊስ ኮሚሽን የሆነው የጉሙሩክ ፖሊስ ከጉሙሩክ ኮሚሽን ጋር በመሆን የስራ ስምሪት የመስጠትና ስራውን በጋራ የመገምገም አሰራር ይከተላል ተብሏል።

የጉሙሩክ ፖሊስ በሁሉም ኬላዎች ላይ ቁጥጥር እና ክትትል ያደርጋል የተባለ ሲሆን፥ ከዚህ በተጨማሪም የኮንትሮባንድ እቃዎች ሀገር ውስጥ ከገቡ በኋላ የተከማቹበትና የሚሰራጩበት አካባቢዎች ላይ ክትትል በማድረግ በቁጥጥር ስር እንደሚያውልም ተነግሯል።

ለጉሙሩክ ኮሚሽን ትራንስፖረትን ጨምሮ ሌሎች የሎጂስቲክ ግብአቶችን የሚያቀርብ መሆኑም ተነግሯል።

የፌዴራል ፖሊስ ኮሚሽን ምክትል ኮሚሽነር ጄነራል መላኩ ፈንታ፥ አዲስ የተደራጀው የጉሙሩክ ፖሊስ ከ90 በላይ በሚሆኑ ኬላዎች ላይ እንደሚሰማሩ አስታውቀዋል።

በአሁኑ ወቅት በጥናት ላይ በመመስረት 50 በመቶ በሚሆኑት የመቆጣጠሪያ ጣቢያዎች ላይ የጉምረክ ፖሊስ ወደ ስራ የገባ ሲሆን በቀሪዎቹ ኬላዎች በአጭር ጊዜ ውስጥ ወደ ስራ እንደሚገባ ይጠበቃል።

የጉምሩክ ኮሚሽን የለውጥ ስራዎችን ከጀመረ ወዲህ 1 ነጥብ 3 ቢሊየን ብር የሚገመት የኮንትሮባንድ ዕቃዎች በቁጥጥር ስር እንዳዋለ የሚታወስ ነው።

በፋሲካው ታደሰ

You might also like
Comments
Loading...