Fana: At a Speed of Life!

የወንዶች የወሊድ መቆጣጠሪያ እንክብል በሰው ላይ ጉዳት እንደማያደርስ ማረጋገጫ አገኘ

አዲስ አበባ፣ መጋቢት 25፣ 2011 (ኤፍ.ቢ.ሲ) በየእለቱ የሚዋጥ የወንዶች የወሊድ መቆጣጠሪያ እንክብል በሰዎች ላይ ጉዳት እንደማያደርስ ማረጋገጫ ማግኘቱ ተነግሯል።

በየቀኑ አንድ አንድ ፍሬ ይዋጣል የተባለው እንክብሉ በውስጡ ላይ የወንዶች የዘር ፍሬ ምርትን የሚያቆም ሆርሞን በውስጡ የያዘ መሆኑም ተነግሯል።

እንክብሉ የማረጋገጫ ሙከራውን ለማለፉም መልካም ዜና ነው የተባለ ሲሆን፥ በአሁኑ ወቅት ወንዶች ወሊድን ለመቆጣጠር ከሚያደርጉት የዘር ፈሳሽ ቧንቧ ማዘጋት እና ኮንዶንም መጠቀም ውጪ ሌላ አማራጭ እንደሚሆንም ተነግሯል።

ሆኖም ግን መቀመጫቸውን ብሪታንያ ያደረጉት የኢንዶክሪየን ሶሳይቲ ዶክተሮች የወንዶች የወሊቅ መቆጣጠሪያ እንክብሉን ለገበያ ለማቅረብ ሌላ ተጨማሪ አስርት ዓመታትን ሊጠይቅ ይችላል ብለዋል።

ለዚህም ምክንያታቸውን የሚያስቀምጡት ዶክተሮቹ፥ ምክንያታቸው ደግሞ የጎንዮሽ ጉዳት ካስከተለስ ከሚል የሚመነጭ ስጋት መሆኑን አስታውቀዋል።

የመጀመሪያው ስጋታቸው የወንድ የዘር ፈሳሽ መጠንን ሊቀንስ ይችላል የሚል ሲሆን፥ ሁለተኛው ደግሞ በወንዶች ላይ በወሲብ ጊዜ የብልት አለመቆም (ስንፈተ ወሲብ) ሊያስከትትል ይችላል የሚል ነው።

ከሴቶች ይልቅ ወንዶች ዝንጉ በመሆናቸው እንክብሉን መዋጡን ሊረሱ ይችላሉ የሚለውም በስጋትነት የተቀመጠ ሲሆን፥ በዚህ ላይም ጊዜ ወስዶ የግንዛቤ ማስጨበጫ ስራ መሰራት አለበት ብለዋል።

ከጎንዮሽ ጉዳቶች ጋር አያይዘው ላነሱት ስጋታቸውም እንክብሉ በገበያ ላይ ከመዋሉ በፊት ጊዜ በመውሰድ ተደጋጋሚ መሞከር እንደሚያስፈልገም አስታውቅዋል።

ምንጭ፦ www.bbc.com

You might also like
Comments
Loading...