Fana: At a Speed of Life!

የወባ ትንኞች የሰዎችን ጠረን የሚለዩበት ልዩ የስሜት ህዋስ እንዳላቸው ተመራማሪዎች አረጋገጡ

አዲስ አበባ፣ መጋቢት 24፣ 2011 (ኤፍ.ቢ.ሲ) የወባ ትንኞች የሰዎችን ጠረን የሚለዩበት ልዩ የስሜት ህዋስ እንዳላቸው ተመራማሪዎች አረጋገጡ፡፡

የፍሎሪዳ ዓለም አቀፉ ዩኒቨርሲቲ ተመራማሪዎቹ የቢጫ ወባና የዚካ ቫይረስ አስተላላፊ በሆኑ የወባ ትንኝ ዝርያዎች ላይ ባደረጉት ጥናት ትንኞቹ ኦኖትሮፕክ 8ኤ የተባለ በሰው ላብ ውስጥ የሚገኝ የላክቲክ አሲድ ጠረን ለመለየት የሚያስችል ልዩ የስሜት ህዋስ እንዳላቸው ይፋ አድርገዋል፡፡

የጥናት ውጤቱ የትንኞቹን የጠረን መለያ የስሜት ህዋስ አገልግሎት እንዲስተጓጎል ወይንም እንዲወገድ ማድረግ የበሽታዎችን ስርጭት ለመቀነስ የሚያስችል ነው ተብሏል፡፡

ለዚሁ አገልግሎትም ተመራማሪዎቹ ኬሚካሎችንና ሽቶዎችን የመጠቀም ፍላጎት እንዳላቻውም ነው የተገለጸው፡፡

የወባ ትንኞች ሰዎችን የሚነድፉት በላባቸው ውስጥ በሚገኝ የላክቲክ አሲድ ጠረን በመሳብ እንደሆነ ከአውሮፓውያኑ 1960ዎቹ ጀምሮ የተለያዩ ተማራማሪዎች ያረጋገጡት መሆኑ ይነገራል፡፡

ይሁን እንጅ ከዚህ ጉዳይ ጋር በተያያዘ በትንኞች ዝርያና ባህሪ ላይ የተደረጉ ጥናቶች ውስን ሆነው መቆየታቸው ነው በጥናቱ የተገጸው፡፡

ምንጭ፡- ዩ ፒ አይ

You might also like
Comments
Loading...