Fana: At a Speed of Life!

የኦሮሚያና ቤኒሻንጉል ጉሙዝ ክልሎች በልማት ለመተሳሰር የጀመሩትን ስራ እንደሚቀጥሉ ገለፁ

አዲስ አበባ፣ ሚያዚያ 11፣ 2011 (ኤፍ.ቢ.ሲ) የኦሮሚያ ክልል ምክትል ርእሰ መስተዳደር አቶ ሽመልስ አብዲሳና እና የቤኒሻንጉል ጉሙዝ ክልል ርዕሰ መስተዳድር አቶ አሻድሊ ሀሰን ዛሬ አሶሳ ላይ ተወያዩ።

በውይይታቸውም ላይ በሁለቱ ክልሎች መካከል የህዝቦችን ግኑኝነት ለማጠናከር በጋራ እንደሚሰሩ አረጋግጠዋል።

ከዚህ ቀደም በነበረ ግጭት ምክንያት የተፈናቀሉትን ዜጎች መልሶ ለማቋቋምና ወደ ቀያቸው ለመመለሰም በጋራ እንደሚሰሩ ነው ያስታወቁት።

የሁለቱን ክልል ህዝቦች በልማት ለማስተሳሰር የተጀመረው ስራ እንደሚቀጥልም ነው በውይይታቸው ላይ የተመለከተው።

በያዝነው ወር ላይ የኦሮሚያና የቤኒሻንጉልጉሙዝ ክልሎች የህዝብ ለህዝብ ግንኙነት የጋራ መድረክ በአሶሳ መካሄዱ ይታወሳል።

You might also like
Comments
Loading...