Fana: At a Speed of Life!

የኢትዮጵያ ማዕድንና ነዳጅ ፖሊሲ በሃምሌ ወር ወደ ስራ ይገባል

አዲስ አበባ፣ ሚያዚያ 16፣ 2011 (ኤፍ.ቢ.ሲ) የኢትዮጵያ ማዕድን እና ነዳጅ ፖሊሲ ከሃምሌ 2011 ዓ.ም ጀምሮ በስራ ላይ እንደሚውል የማዕድንና ነዳጅ ሚኒስቴር ገለጸ፡፡

ሚኒስቴሩ በዛሬዉ እለት ባለፈው አንድ አመት ያከናወናቸውን ስራዎች አስመልክቶ ጋዜጣዊ መግለጫ ሰጥቷል፡፡

በጋዜጣዊ መግለጫው በቅርብ ጊዜ የሚተገበረው ይህ ፖሊሲ ዘርፉን በዘመናዊ መንገድ ለመምራት እንደሚያስችል ተጠቁሟል፡፡

የማዕድን እና ነዳጅ ሚኒስትር ዶክተር ሳሙኤል ኡርቃቶ ዘርፉን በማሳደግ በኢኮኖሚው ዘርፍ ጉልህ አስተዋጽኦ ያበረክት ዘንድ አዳዲስ አሰራሮች እንደሚተገበሩ ተናግረዋል፡፡

በቅርብ ጊዜ ወደ ስራ የሚገባው የማዕድን እና ነዳጅ ፖሊሲ ዘርፍን ለማሳደግ ከፍ ያለ አስተዋጽኦ ይኖረዋል ተብሏል፡፡

የተሻሻለው የማዕድን ግብይት አዋጅ እንዲሁም የፈቃድ አስተዳደር እና የካዳስተር ስርአት ዝግጅት ከአዳዲስ አስራሮች መካከል ሊጠቀሱ የሚችሉ መሆናቸውን ሚኒስትሩ ገልጸዋል፡፡

የማዕድን እና ነዳጅ  ዘርፉን በማሳደግ የስራ እድልን ለመፍጠር እንደሚሰራም ነው የተናገሩት ፡፡

በአወል አበራ

You might also like
Comments
Loading...