Fana: At a Speed of Life!

የአፍሪካ የኦሎምፒክ ኮሚቴ የዞን አምስት የወጣቶች ጨዋታ በሩዋንዳ እየተካሄደ ነው

አዲስ አበባ፣ መጋቢት 27፣ 2011 (ኤፍ.ቢ.ሲ) ሩዋንዳ የአፍሪካ የኦሎምፒክ ኮሚቴ የዞን አምስት የወጣቶች ጨዋታ እያካሄደች ትገኛለች።

በውድድሩ 11 የአፍሪካ ሀገራትን ጨምሮ ፈረንሳይ በተጋባዥነት  በመሳተፍ ላይ ናቸው።

በዚህም 39 ሜዳሊያዎችን የግላቸው ለማድረግ ኢትዮጵያ፣ ሩዋንዳ፣ ብሩንዲ፣ ኡጋንዳ፣ ኬንያ፣ ሶማሊያ፣ ደቡብ ሱዳን፣ ሱዳን፣ ግብጽ እና የስደተኞች ኦሎምፒክ ቡድኖች ይሳተፋሉ።

አምስት የስፖርት ዓነቶች ማለትም አትሌቲክስ፣ ቅርጫት ኳስ፣ የውሃ ዳር መረብ ኳስ፣ በቴኳንዶ እና የብስክሌት ውድድሮች ይዟል።

ሩዋንዳ ውድድሩን ማካሄድ የጀመረችው መጋቢት 21 ሲሆን፥ እስከ መጋቢት 27 ድረስ ይቀጥላል።

በአትሌቲክስ ውድድር ብቻ እየተሳተፈች የምትገኘው ኢትዮጵያ በውድድሩ እስካሁን አራት የወርቅ ሜዳሊያዎችን አግኝታለች።

በ800 ሜትር በተከናወነው ውድድር አትሌት ፍሬዘውድ ተስፋዬ ስታሸንፍ በ1 ሺህ 500 ሜትር ውድድር ደግሞ መልካም ዘገየ አሸንፈዋል።

እንዲሁም መንግስቱ በቀለ በ3 ሺህ ሜትር ወርቅ፣ መልካም አለማየሁ በ1 ሺህ 500 ሜትር ወርቅ፣ መስታወት አስመራ በ3000 ሜትር የብር ሜዳልያ፣ ቦኪ ዲርባ በ5 ሺህ ሜትር የነሃስ ሜዳልያ አግኝተዋል።

በአብርሃም ፈቀደ

You might also like
Comments
Loading...