Fana: At a Speed of Life!

የአዲስ አበባ ቀላል ባቡር ባለፉት 9 ወራት ከ29 ሚሊየን በላይ መንገደኞችን ማጓጓዙ ተገለፀ

አዲስ አበባ፣ ሚያዚያ 15፣ 2011 (ኤፍ.ቢ.ሲ) የአዲስ አበባ ቀላል ባቡር ትራንስፖረት ባለፉት 9 ወራት ከ29 ሚሊየን በላይ መንገደኞችን ማጓጓዙ ተገለፀ።

በዚህም 87 ነጥብ 2 ሚሊየን ብር መገኘቱን የትራንስፖረት ሚኒስቴር በዛሬው እለት ለህዝብ ተወካዮች ምክር ቤት የ9 ወር እቅድ አፈፃፀም ሪፖረት ባቀረበበት ወቅት አስታውቋል።

ሚኒስቴሩ በሪፖርቱ አክሎም የአዲስ አበባ ቀላል ባቡር ትራንስፖረት ባቡሮች በየጣቢያዎቹ የሚደርሱበትን ደቂቃ ለመቀነስ የተለያዩ ስራዎች መሰራቱን ገልጿል።

በዚህም ከምስራቅ- ምእራብ መስመር ከ15 ደቂቃ ወደ 12 ደቂቃ ዝግ ማድረግ የተቻለ ሲሆን፥ ከሰሜን -ደቡብ ባለው መስመር ደግሞ ከ20 ደቂቃ ወደ 15 ደቂቃ ዝቅ ማድረግ መቻሉን አስታውቋል።

በሌላ በኩል ለህብረተሰቡ የትራንስፖርት አገልግሎት ተደራሽ ለማድረግ ባለፉት 9 ወራት በተሰራው ስራ የሀገር አቋራጭ አውቶብስ ሰምሪት መስመርን 223 ማድረስ መቻሉን ነው ሚኒስቴሩ የገለፀው።

ከክፍያ መንገድ ኢንተርፕራይዝ ጋር በተያያዘም የኢትዮጵያ የክፍያ መንገዶች ኢንተርፕራይዝ ባለፉት 9 ወራት 6 ሚሊየን 38 ሺህ 800 ተሽከርካሪዎችን በማስተናገድ 191 ሚለየን 470 ሺህ 903 ብር ገቢ መሰብሰቡን አስታውቋል።

ከመንገድ ጥገና ጋር በተያያዘም 13 ሺህ 228 ነጥብ 2 ኪሎ ሜትር የመደበኛና ወቅታዊ ከባድ የመንገድ ጥገናዎች መከናወናቸውን ነው ሚኒስቴሩ የገለፀው።

ባለፉት 9 ወራት ከመንገድ ግንባታ ዘፍር ጋር በተያያዘ የወሰን ማስከበር፣ የግብአት አቅርቦት እና የስራ የቋራጮችና የአማካሪ ድርጅቶች አቅም ማነስ ያጋጠሙት ችግሮች መሆኑን አስታውቋል።

ከዚህ በተጨማሪም በሀገሪቱ የነበረው የፀጥታ ችግር እና የተቋሙ የኮንትራት አስተዳደር አቅም ውስንነት ባለፉት 9 ወራት እንቅፋት እንደሆኑበት ነው ሚኒስቴሩ በሪፖርቱ ያመለከተው።

በአልአዛር ታደለ

You might also like
Comments
Loading...