Fana: At a Speed of Life!

የአንድ መስኮት አገልግሎት የመጀመሪያ ምዕራፍን ማጐልበት የሚያስችል የድጋፍ ስምምነት ተፈረመ

አዲስ አበባ፣ ሚያዚያ 11፣ 2011 (ኤፍ.ቢ.ሲ) የአንድ መስኮት አገልግሎት የመጀመሪያ ምዕራፍን ማጐልበት የሚያስችል የ7ነ ጥብ 5 ሚሊየን የአሜሪካ ዶላር የድጋፍ ስምምነት ተፈረመ፡፡

ስምምነቱ በገቢዎች ሚኒስቴርና በኮሪያ አለም አቀፍ የትብብር ኤጀንሲ መካከል የተፈረመ ነው።

ስምምነቱ በገቢዎች ሚኒስትር ወይዘሮ አዳነች አቤቤና በኮሪያ አለም አቀፍ የትብብር ኤጀንሲ ዳይሬክተር ሱጂን ኪም አማካኝነት ተፈርሟል፡፡

የኮሪያ መንግስት ስላደረገው ድጋፍ ምስጋናቸውን ያቀረቡት ሚኒስትሯ ድጋፉ በዋናነት የንግድ አሰራሩን ለማዘመንና የአቅም ግንባታን ለማጎልበት ጥቅም ላይ እንደሚውል ገልጸዋል፡፡

የዓለም አቀፉ ንግድ አሰራር ውስብስብ፣ የማይተነበይ እንዲሁም ጊዜና ገንዘብ አላግባብ የሚባክንበት ሆኖ በመቆየቱ መንግስት ይህንን ችግር ለመቅረፍ የኤሌክትሮኒክስ አንድ መስኮት አገልግሎት የአለም አቀፍ ንግድ ፕሮግራም ጽህፈት ቤት አቋቁሟል፡፡

የኤሌክትሮኒክስ አንድ መስኮት አገልግሎት ስርዓት በአሁኑ ወቅት የሚታየውን ውጤታማ ያልሆነ አሰራር በአግባቡ፣ በተደራጀና ግልጽ በሆነ ስርዓት የሚተካ መሆኑን ከገቢዎች ሚኒስቴር ያገኘነው መረጃ ያመላክታል፡፡

የአንድ መስኮት አገልግሎቱ ለኢንቨስትመንት፣ ለወጪና ገቢ ንግድ እንዲሁም የሎጅስቲክስ ዘርፎች ለማዘመን ከፍተኛ አስተዋጽኦ ይኖረዋል ተብሎ ይጠበቃል።

You might also like
Comments
Loading...