Fana: At a Speed of Life!

የአማራ ክልል ከ1 ሺህ 500 በላይ የመደበኛና አድማ ብተና ፖሊስ አባላትን አስመረቀ

አዲስ አበባ ፣ ሚያዚያ 12 ፣ 2011 (ኤፍ ቢ ሲ) የአማራ ክልል ከ1 ሺህ 500 በላይ የመደበኛና አድማ ብተና ፖሊስ አባላትን በዛሬው እለት አስመረቀ።

የመደበኛና አድማ ብተና ፖሊሶቹ መመረቅ አልፎ አልፎ የሚታየውን የክልሉን የፀጥታ ችግር ያስተካክለዋል ተብሎ ይጠበቃል።

የአማራ ክልል ሰላም ግንባታና የሕዝብ ደኅንነት ጉዳዮች ቢሮ ኃላፊ ብርጋዴር ጄኔራል አሳምነው ፅጌ፥ ተመራቂዎቹ ህዝቡ በሰላም ወጥቶ እንዲገባ በቁርጠኝት እንዲሠሩ አሳስበዋል።

ከዚህ ባለፈም የክልሉን ባሕልና ወግ በማጉደፍ ጥላሸት የሚቀቡ ኃይሎችን መስዋዕትነት በመክፈል ጭምር የሕግ የበላይነትን ሊያረጋግጡ እንደሚገባ መናገራቸውን ከአማራ መገናኛ ብዙሃን ኤጀንሲ ያገኘነው መረጃ ያመላክታል።

የአማራ ክልል ምክትል ርዕሰ መስተዳድር አቶ ላቀ አያሌው በበኩላቸው፥ ሕግና ሥርዓት የሚያስከብር ቁርጠኛ የፀጥታ አስከባሪ ኃይል ኅብረተሰቡ እንደሚፈልግ ተናግረዋል።

ተመራቂዎቹ ፍፁም ሙያዊና ሕዝባዊ ወገንተኝነት ተላብሰው የክልሉን ሕዝብ ከፀጥታ ስጋት ሊታደጉት እንደሚገባም ገልጸዋል።

 

 

You might also like
Comments
Loading...