Fana: At a Speed of Life!

የአለም ረጁሙ አውሮፕላን የሙከራ በረራ አደረገ

አዲስ አበባ፣ ሚያዚያ 6፣ 2011 (ኤፍ.ቢ.ሲ) የአለም ረጅሙ አውሮፕላን የመጀመሪያውን በረራ በካሊፎሪኒያ ሰማይ ላይ አደረገ፡፡

ሮክ የተሰኘው ግዙፍ አውሮፕላን ክንፍ 117 ሜትር እርዝማኔ ሲኖረው በስድስት  ሞተሮች የሚንቀሳቀስ ነው ተብሏል፡፡

በሰዓት 304 ኪሎ ሜትር የሚበረው ይህ ረጅም አውሮፕላኑ በ5 ሺህ 182 ሜትር ከፍታ ላይ መብረር  እንደሚችል ተነግሯል፡፡

አውሮፕላኑ ስትራቶላውንች በተባለ ኩባንያ የተሰራ ሲሆን የሙከራ በረራውን በማድረግ በሰላም ማረፉም ተጠቁሟል፡፡

ስትራቶላውንች የማይክሮሶፍት ኩባንያ አንዱ መስራች በነበሩት ፓውል አሌን በ2011 የተመሰረተ ሲሆን ሳተላይቶችን ከመሬት ይልቅ ከአውሮፕላኖች ወደ ጠፈር ለማምጠቅ እንዲቻል እየሰራ የሚገኝ ኩባንያ ነው፡፡

ይህ አውሮፕላንም ሳተላይቶችን ለማምጠቅ በሚያስችል መልኩ ዲዛይን ተደርጓል ተብሏል፡፡

አጠቃላይ ስራው ስኬተማ ከሆነ ሳተላይቶችን ወደ ጠፈር የማምጠቅ ስራውን ቀላል ያደርገዋል ተበሎ ታምኖባል፡፡

አልጀዚራና ቢቢሲ

You might also like
Comments
Loading...