Fana: At a Speed of Life!

የተቋረጠውን የአዲስ አበባ የቀላል ባቡር አገልግሎት ችግር ለመፍታት እተየሰራ መሆኑ ተገለፀ

አዲስ አበባ፣ ሚዚያ 7፣ 2011 (ኤፍ.ቢ.ሲ) ከትላንት ምሽት ጀምሮ የተቋረጠውን የአዲስ አበባ ቀላል ባቡር አገልግሎት ችግር ለመፍታት እየሰራ መሆኑን የአዲስ አበባ ቀላል ባቡር ትራኒዚት አገልግሎት አስታወቀ።

የአዲስ አበባ የቀላል ባቡር ትራንዚት አገልግሎት ዋና ስራ አስኪያጅ አቶ ሙሉቀን አሰፋ ከፋና ብሮድካስቲንግ ኮርፖሬት ጋር በነበራቸው ቆይታ አገልግሎቱ ትላንት ምሽት 5 ከ40 ጀምሮ መቋረጡን ተናግረዋል፡፡

ችግሩ የተፈጠረው ከዋናው የሃይል ማሰራጫ በተፈጠረ የሃይል መቋረጥ ምክንያት ሲሆን፥ ከቃሊቲ ጊዮርጊስ አደባባይ መስመርና ከአያት ጦር ሃይሎች መስመር ላይ ሁለት ባቡሮች መቆማቸውን ገልጸዋል፡፡

ለቀላል ባቡሮቹ አራት ዋና ማሰራጫዎች በቀጥታ ሀይል የሚያሰራጩ 18 ሰብ ስቴሽኖች መኖራቸውን የገለፁት ስራ አስኪያጁ፥ አሁን ላይ ከ18ንቱ አነስተኛ ማሰራጫዎች 15ቱ የተቋረጠውን ሃይል ማግኘት መጀመራቸውንም ነው አቶ ሙሉቀን የሚናገሩት።

ይሁን እንጅ ሶስት ዋና ዋና መስመሮች እስካሁን ድረስ አስፈላጊወን ሃይል ማግኘት እንዳለቻሉና የእነዚህን መስመሮች ዋና ችግሮች ለይቶ የባቡር አገልግሎቱን ወደ መስመር ለመመለስ ከኢትዮጵያ ኤሌክትሪክ አገልግሎት ጋር እየተሰራ ነው ብለዋል።

በትእግስት አብርሃም

You might also like
Comments
Loading...