Fana: At a Speed of Life!

የቡሬ ኢንዱስተሪያል ፓርክና የዳንግላ ጃዊ መንገድ ፕሮጀክቶች በዚህ አመት እንደሚጠናቀቁ ተገለጸ

አዲስ አበባ፣ ሚያዚያ 13፣ 2011 (ኤፍ.ቢ.ሲ) በ1ነጥብ7 ቢሊየን ብር እየተገነቡ ያሉት የቡሬ የግብርና ምርት ማቀነበባሪያ ኢንዱስተሪያል ፓርክና የዳንግላ ጃዊ መንገድ ፕሮጀክቶች በዚህ ዓመት እንደሚጠናቀቁ ተገለጸ፡፡

የአማራ መንገድ ስራዎች ድርጅት ስራ አስኪያጅ አቶ አስማማው አለማየሁ እንደደገለጹት÷ የቡሬ የግብርና ምርት ማቀነበባሪያ ኢንዱስተሪያል ፓርክና የዳንግላ ጃዊ መንገድ ፕሮጀክቶች በ1ነጥብ7 ቢሊየን ብር እየተከናዎኑ ሲሆን÷ በዚህ አመት ይጠናቃሉ፡፡

የ11 ነጥብ 1 ኬሎ ሜትር ሚሸፍነው የቡሬ የግብርና ምርት ማቀነበባሪያ ኢንዱስተሪያል ፓርክ አስፓልት መንገድ ፕሮክት ግንባታ 75 በመቶ የደረሰ ሲሆን÷ የዳሰንግላ ጃዊ የመንገድ ፕሮጀክት 70 ኪሎ ሜትር የጠጠር መንገድ ግንባታ 69 በመቶ የደሰ ሲሆን÷ ሁለቱም ፕሮጀክቶች በዚህ ዓመት መጨረሻ ይጠናቀቃሉ ብለዋል፡፡

የቡሬ የግብርና ምርት ማቀነበባሪያ ኢንዱስተሪያል ፓርክ ፕሮጀክት ሃላፊው አቶ ታረቀኝ ተስፋየ በበኩላቸው ከኤሌክትሪክ ስራዎች ውጭ ያሉ የፓርኩ ግንባታዎች እስከ ፊታችን ግንቦት 30 ቀን 2011 እንደሚጠናቀቁ ተናግረዋል፡፡

በዳንግላ ጃዊ የ70 ኪሎሜትር የጠጠር መንግድ ፕሮጀክት አንድንድ አካባቢዎች ያሉ ተራራዎችን እስከ 70 ሜትር ጥልቀት የመቁረጥ ስራ የ ተካናዎነበት ሲሆን ÷ የአማራ መንገድ ስረዎች ድርጅት ከፍተኛ ልምድ ለመካበትና ሌሎች መሰል ስራዎችን ለመስራት አቅሙን ያሳየበት መሆኑን የፕሮጀክቱ ሃላፊ አቶ ከተማ ሙሉየ ተናግረዋል፡፡

መንገዱ የአካባቢው የነዋሪዎችን የቀናት ጉዞ የሚቀንስና በቀላሉ ምርቶቻቸውን ለገበያ ለማቅረብ እንዳስቻላቸውም ተናግረዋል፡፡

በናትናኤል ጥጋቡ

You might also like
Comments
Loading...