Fana: At a Speed of Life!

የስቅለትና የፋሲካ በዓላት በሰላም እንዲከበሩ አስፈላጊው ዝግጅት መደረጉን የአዲስ አበባ ፖሊስ አስታወቀ

አዲስ አበባ፣ ሚያዚያ 17፣ 2011 (ኤፍ.ቢ.ሲ) የስቅለትና የፋሲካ በዓላት በሰላም እንዲከበሩ አስፈላጊው ዝግጅት ተጠናቆ ወደ ስራ መገባቱን የአዲስ አበባ ፖሊስ ኮሚሽን አስታወቀ።

በክርስትና እምነት ተከታዮች ዘንድ በታላቅ ድምቀት የሚከበሩት የስቅለትና የትንሳኤ በዓላት በሰላም እንዲጠናቀቁ አስፈላጊው ዝግጅት መደረጉን በኮሚሽኑ የኢንዶክተሪኔሽን እና ህዝብ ግንኙነት ምክትል ዳይሬክቶሬት ኃላፊ ኮማንደር ፋሲካ ተናግረዋል።

በዚህ መሰረትም ኮሚሽኑ ለወንጀልና ትራፊክ አደጋ መከላከል ተግባሩ ልዩ ትኩረት በመስጠት በርካታ አባላትን በስውርና በግልፅ ጥበቃ በልዩ ልዩ ስፍራዎች ማሰማራቱን ገልፀዋል።

ቁጥጥሩ ውጤታማ እንዲሆንም ከሌሎች የፀጥታ አካለት ጋር ተቀናጅቶ እየተሰራ መሆኑን የጠቆሙት ሃላፊው፥ በአስሩም ክፍለ ከተሞች በፀጥታ ጉዳይ ከነዋሪው ጋር ውይይት መደረጉን አንስተዋል።

በተጨማሪም ህብረተሰቡ ለፀጥታ ስራው ስኬታማነት እያደረገ ያለውን ትብብር አጠናክሮ እንዲቀጥል ኮማንደር ፋሲካ ጥሪ አቅርበዋል፡።

ህብረተሰቡ የፖሊስን አገልግሎት ለማግኘትም ሆነ አጠራጣሪ ነገሮች ሲያጋጥሙ በ991 ወይም 987 ነፃ የስልክ መስመሮችን እና 0111 1101 11 ወይም 01 15 52 63 03 በመጠቀም መረጃ መስጠት እንደሚቻል ጠቁመዋል።

በመጨረሻም ለስራው ስኬታማነት ህብረተሰቡ እያደረገ ላለው ትብብር ምስጋናቸውን በማቅረብ ለመላው የክርስትና እምነት ተከታዮች በዓሉ የሰላምና የደስታ እንዲሆን መልካም ምኞታቸውን ገልፀዋል።

You might also like
Comments
Loading...