Fana: At a Speed of Life!

የሱዳን  ወታደራዊ የሽግግር ምክር ቤት የቀድሞ ባለስልጣናትን በቁጥጥር ስር አዋለ

 አዲስ አበባ፣መጋቢት 7፣2011 (ኤፍ.ቢ.ሲ) የሱዳን ወታደራዊ የሽግግር ምክር ቤት የቀድሞ የመንግሰት አስተዳደር አባልትን በቁጥጥር ስር ማዋሉን ገለፀ።

ምክር ቤቱ በተለያዩ ወንጀሎች የተጠረጠሩ  የአልበሽር አስተዳደር ባለስልጣናትን በቁጥጥር ስር ማዋሉን አስታውቋል።

የሱዳን ወታደራዊ የሽግግር ምክር ቤት ቃል አቀባይ  ሜጀር ጀነራል  ሸምስ አዲን ሻንቶ በትናንትናው ዕለት  ጉዳዩን አስመልክተው መግለጫ ሰጥተዋል ።

ቃል አቀባዩ በመግለጫቸው  በህዝባዊ አመፅ ከስልጣን የተወገደው የአልበሽር አስተዳደር አባላት የነበሩና በተለያዩ ወንጀሎች የተጠረጠሩ ባለስልጣናት  በቁጥጥር ስር መዋላቸውን ተናግረዋል ።

ከዚህ ባለፈም   ወታደራዊ የሽግግር ምክር ቤቱ  ስልጣኑን ለሲቪል ዜጎች ለማስተላለፍ ቁርጠኛ አቋም ያለው እና ዝግጁ መሆኑን ነው የገለጹት።

ለዚህም በሀገሪቱ የሚገኙ ተፎካካሪ የፖለቲካ ፓርቲዎች በጉዳዩ ዙሪያ በቅርበት መወያየት ይገባቸውዋል ነው ያሉት  ።

ተፎካካሪ ፓርቲዎችና የተቃውሞ መሪዎች ተስመምተው  የሚወክላቸውን የሚመርጡ ከሆነም ጠቅላይ ሚኒስትር ለመሾም ፍላጎት ያላቸው መሆኑን ቃል አቀባዩ ጠቁመዋል ።

የተቃውሞ ሰልፈኞችን  በሃይል የመበተን ፍላጎት የለንም ያሉት ቃል አቀባዩ ፥የሰልፈኞችን ፍላጎት ለማሟላት ምክር ቤቱ እንደሚሰራ ግን በአንክሮ ተናግረዋል ።

ስለሆነም ሰልፈኞች  በሀገሪቱ እየተካሄደ ያለው ለውጥ በሰላም ይከናወን ዘንድ የሚፈፅ ሙትን አላስፈላጊ ድርጊት እንዲያቆሙና ሃላፊነት በተሞላበት መንገድ እንዲንቀሳቀሱ ጥሪ አቅርበዋል።

ይሁን እንጂ ማንኛውም  የጦር መሳሪያ በሚያነሳ ሰልፈኛ ላይ ምንም አይነት ምህርት የማይኖር መሆኑን አንስተዋል ።

ምክር ቤቱ  ለውጡ በተሳካ ሁኔታ እንዲከናወን የሀገሪቱን ፖሊስና መከላካያ በአዲስ ሀላፊዎች እንዲመራ  መደረጉን የገለጹት ቃል አቀባዩ፥ ለሀገሪቱ የፀጥታና ደህንነት ቢሮ እንዲሁም የ ፀረ-ሙስና ኮሚሽን አዳዲስ ሃላፊዎች መሾማቸውን  ተናግረዋል ።

በተጨማሪም በሱዳን ያለውን የሀሳብ ብዝሃነት ለማስፋፋት በሀገሪቱ ሚዲያዎች ላይተጥሎ የነበረውን የሳንሱር  ህግ ማንሳታቸውንና  በቁጥጥር ስር የነበሩ የፖለቲካ እስርኞች በነፃ እንዲለቀቁ መደረጉን አክለዋል ።

ምንጭ ፥ቢቢሲ

You might also like
Comments
Loading...