Fana: At a Speed of Life!

የሰሜን እዝና የትግራይ ክልል ፀጥታና አስተዳደር ቢሮ የሰላምና የደህንነት ኮንፈረንስ አካሄዱ

አዲስ አበባ፣ ሚያዚያ 14፣ 2011 (ኤፍ.ቢ.ሲ) የትግራይ ክልል ፀጥታና አስተዳደር ቢሮ ከኢፌዴሪ መከላከያ ሰራዊት የሰሜን እዝ አመራሮች ጋር የጋራ የሰላምና የደህንነት ኮንፈረንስ አካሂደዋል ።

በመድረኩም የኢፌዴሪ  የሰሜን እዝ ከፍተኛ ወታደራዊ አመራሮች እና ከመላው የትግራይ የክልል ዞኖች የተውጣጡ ሃላፊዎች እንዲሁም ከፍተኛ የፀጥታና ደህንነት ቢሮ አመራሮች ተሳትፈዋለል።

በመድረኩ ላይ ንግግር ያደረጉት የሰሜን ዕዝ ምክትል ኣዛዥ ሜጀር ጄነራል አማረ ገብሩየትግራይ ክልል ህዝብና መንግስት በሀገራችን አስተማማኝ ሰላም ይገኝ ዘንድ ታላቅ ተጋድሎ ያደረገና ከባድ መስዋዕትነት የከፈለ መሆኑን አስታውሰዋል።

በሰራዊቱና በህዝቡ መካከል የነበረውና ያለው ግንኙነት እጅግ መልካምና የሚደነቅ ነው ያሉት ጄነራል አማረ፥ ሌሎች አካባቢዎችም ከዚህ ትምህርት ሊወስዱ የሚገባ መሆኑን ጠቁመዋል።

የትግራይ ክልል ፀጥታና አስተዳደር ቢሮ ሃላፊ ኣቶ ተኪኡ መተኩ በበኩላቸው፥ በትግራይ ክልል ለረዥም ጊዜ የቆየው የሰሜን ዕዝ ሰራዊት ከህዝብ ጋር ያለው ማህበራዊ መስተጋብር የሚመሰገን ነው ብለዋል።

በክልሉ ለሚኖረው ሰላምና መረጋጋት ዋነኛ ጉልበት ሆኖ ሚቀጥለው የክልሉ የውስጥ ኣቅምና የህዝቡ ተሳትፎ ነው ያሉት ሃለፊው፥ ለሚፈጠር ማንኛውም ችግር ተወቃሽ  የሚሆነውም የክልል መንግስት  መዋቅር መሆኑን አንስተዋል።

ስለሆነም በክልሉ ለሚፈጠሩ ችግሮ  የመከላከያ ሰራዊታችንን የምናስቸግርበት ምንም ኣይነት መነሻ ምክንያት በፊትም ኣልነበረንም፣ኣሁንም የለንም ወደፊትም ኣይኖረንም ነው ያሉት ሃላፊው ።
በመድረኩ ላይ በክብር እንግድነት የተገኙት የትግራይ ክልል ምክትል ርዕሰ መስተዳድር  ዶክተር ደብረጺዮን ገብረሚካኤል በበኩላቸው፥ ዘላቂ ሰላም የሚገኘው በህዝቡ ያላሳለሰ ጥረትና ትጋት እንዲሁም ከባለ ድርሻ አካላት ጋር በሚኖር መቀናጀትና መደጋገፍ ነው ብለዋል፡፡

መከላከያ ሰራዊታችን የሰሜን እዝን ጨምሮ ህዝባው ባህሪን የተላበሰ እና የተሟላ ግዳጅን የመወጣት ብቃቱ የሀገሪቱ የኩራት ምንጭ ሆኖ መዝለቁንም አውስተዋል ።

በቀጣይም ህዝቡና ሰራዊቱ የጋራ በሆኑ ጉዳዮች ላይ በግልፅ እየተወያዩና እየተመካከሩ የክልሉ ብሎም የሀገራችን ሰላም ኣስተማማኝ ይሆን ዘንድ በጋራ መስራታቸውን አጠናክረው እንዲቀጥሉ ማሳሰባቸውን ከክልሉ የፀጥታና ደህንነት አስተዳደር ቢሮ ያገኘነው መረጃ ያመላክታል ።

You might also like
Comments
Loading...