Fana: At a Speed of Life!

የሩሲያ ፣ኢራንና ቱርክ የህግ አውጪ አካላት በሞስኮ የሶስትዮሽ ውይይት አካሄዱ

አዲስ አበባ፣ ሚያዚያ 3፣ 20119(ኤፍ.ቢ.ሲ) የሩሲያ፣ኢራንና ቱርክ የህግ አውጪ አካላት በሞስኮ የሶስትዮሽ ውይይት አካሂደዋል።

በውይዩቱም ከሶስቱ ሀገራት ፓርላማ የተውጣጡ  የውጭ ጉዳይ ኮሚቴ አባላት መሳተፋቸው ነው የተገለፀው ።

በመድረኩም  ሀገራቱ በመካከላቸው ያለውን ዲፕሎማሲያዊ ግንኙነት ማሳደግ በሚችሉባቸው ጉዳዮች ዙሪያ ተወያያተዋል ።

ከዚህ ባለፈም በቀጠናው ያለውን የፀጥታና ደህንነት ችግር ማሻሻል በሚቻልባቸው መንገዶች  ላይ ትኩረት አድርገው መምከራቸው ተገልጿል።

በሶሪያ የሚሰተዋለውን ቀውስ ለመፍታትም ሀገራቱ  በጋራና በቅንጅት በመሆን የበኩላቸውን አስተዋፅኦ ማበርከት ያለባቸው መሆኑ በውይየቱ ተነስቷል።

በሀገሪቱ በተከሰተው የእርስ በርስ ግጭት ምክንያት ከቀያቸው ለተፈናቀሉ ሶሪያውያን ስደተኞችም  አስቸኳይ መፍትሄ መፈለግ እንደሚገባ በውይይቱ ተጠቁሟል።

በተጨማሪም  በአካባቢው የሚሰተዋለውን የሽብርተኝነት እንቅስቃሴ በጋራ ለመከላከል  የሚያስችሉ ሀሳቦች ቀርበው ውይይት የተደረገባቸው መሆኑ በዘገባው ተመላክቷል።

ምንጭ ፦presstv.com

You might also like
Comments
Loading...