Fana: At a Speed of Life!

ዓለም አቀፍ የኢንቨስትመንትና ቱሪዝም ንግድ ትርኢትና ባዛር በባሕር ዳር እየተካሄደ ነው

አዲስ አበባ ፣ ሚያዚያ 5 ፣ 2011 (ኤፍ ቢ ሲ) ዓለም አቀፍ የኢንቨስትመንትና ቱሪዝም ንግድ ትርኢትና ባዛር በባሕር ዳር ከተማ እየተካሄደ ነው።

የንግድ ትርኢትና ባዛሩ አምራች ድርጅቶችን ያሳተፈና ከሽያጭና ግብይት በተጨማሪ ዕውቀት መለዋወጥና ምርት ማስተዋወቅ ላይ ትኩረት ማድረጉን የኢትዮጵያ ንግድና ዘርፍ ማኅበራት ምክር ቤት ፕሬዚዳንት አቶ መላኩ እዘዘው ተናግረዋል።

ምርትና አገልግሎትን ማስተዋወቅ፣ ገበያን ማፈላለግ፣ ለክልሉ ዓለም አቀፍ ተሞክሮ መፍጠር የንግድ ትርዒቱና ባዛሩ ዓላማዎች መሆናቸውም ተነግሯል።

የአማራ ክልል ንግድና ገበያ ልማት ቢሮ ኃላፊ አቶ አገኘሁ ተሻገር በበኩላቸው የንግድ ትርኢቱ የአምራች ኢንዱስትሪ ዘርፉን ለማበረታታትና የክልሉ አምራቾች ከሌሎች አካባቢዎች ካሉ አምራቾች ጋር የሚተዋወቁበትና ምርቶቻቸውን የሚያስተዋውቁበት መሆኑን ገልጸዋል።

ይህ ዓይነቱ ዝግጅት ከተጠቃሚው ጋር በተለያዩ የሀገሪቱ ክፍሎች ደርሶ የገበያ ትስስር ለመፍጠርና በሀገር ውስጥ አይመረቱም ተብለው የሚታሰቡ ምርቶች እንደሚመረቱ ለማስተዋወቅ እንደሚረዳ በንግድ ትርኢቱ ላይ የተገኙ ተሳታፊዎች ገልጸዋል።

የንግድ ትርኢትና ባዛሩ በኢትዮጵያና በአማራ ክልል ንግድና ዘርፍ ማኅበራት ምክር ቤት ቅንጅት የተዘጋጀ ሲሆን፥ እስከ ሚያዚያ 15 ቀን 2011 ዓ.ም ድረስ እንደሚቆይ ከአማራ ክልል መገናኛ ብዙሃን ኤጀንሲ ያገኘነው መረጃ ያመላክታል።

 

 

 

 

 

You might also like
Comments
Loading...