Fana: At a Speed of Life!

እስራኤል ወደ ጠፈር የላከቻት መንኮራኩር በጨረቃ አቅራቢያ ተከሰከሰች

አዲስ አበባ፣ ሚያዘያ 4፣ 2011 (ኤፍ.ቢ.ሲ) እስራኤል ለመጀመሪያ ጊዜ በግል ገንዘብ ድጋፍ ወደ ጠፈር ያመጠቀቻት መንኮራኩር አላማዋን ሳታሳካ ተከስክሳለች።

መንኮራኩሯ የተከሰከሰችው በሞተሯ ክፍል ባጋጠማት የቴክኒክ ችግር ምክንያት  ነው ተብሏል።

ቤሬሼት የተሰኘችው መንኮራኩር የተለያዩ ምስሎችን ለመላክና ምርምር ለማካሄድ ነበር ወደ ጨረቃ የተላከችው።

ይሁን እንጅ መንኮራኩሯ ባጋጠማት የሞተር እክል ምክንያት ጨረቃ ላይ በሰላም ለማሳረፍ የተደረገው ሙከራ  ሳይሳካ ቀርቷል።

እንደ ፕሮጀክቱ አስተባባሪ ሞሪስ ካህን ገለፃ መንኮራኩሯን ጨረቃ ላይ ለማሳረፍ ብዙ ጥረት ቢደረግም በሞተሯ ላይ በተከሰተ ብልሽትና ከሳተላይት ጋር የነበራት ግንኙነት በመቋረጡ የታሰበለት አላማ ሳይሳካ ቀርቷል።

ሳተላይት የማምጠቅ ስነ ስርዓቱን የተከታተሉት ጠቅላይ ሚኒስትር ቤኒያሚን ኔታንያሁ በበኩላቸው፥የተደረገውን ሙከራ አድንቀው በቀጣይ ለማሳካት በተሻለ ሁኔታ እንሰራለን ብለዋል ።

ሙከራው እስራኤል  ጨረቃ ላይ  መንኮራኩራቸውን በሰላም ካሳረፉ ሶስት የዓለም ሀገራት ተርታ ለመሰለፍ የሚያስችላትን ተስፋ የሚያሳይ ነው ተብሏል።

እስካሁን በዓለም ላይ መንኮራኩራቸውን ጨረቃ ላይ ያሳረፉ ሀገራት የቀድሞዋ ሶቪዬት ህብረት፣ አሜሪካና ቻይና መሆናቸውን መረጃዎች ያሳያሉ።

ምንጭ ፦ቢቢሲ

You might also like
Comments
Loading...