Fana: At a Speed of Life!

ኤል ጂ ሙሉ በሙሉ መስታወት የሆነ ስማርት ስልክ ሊሰራ መሆኑ ተሰምቷል

አዲስ አበባ፣ ሚያዚያ 9፣ 2011 (ኤፍ.ቢ.ሲ) በዓለማችን ላይ የስማርት ስልክ ቴክኖሎጂ ከእለት እለት እየረቀቀ በመምጣት ላይ ይገኛል።

በስማርት ስልክ ቴክኖሎጂው ፈጠራ ውስጥ ቀዳሚውን ስፍራ ከሚይዙት አንዱ የሆነው ኤል ጂ አሁን ደግሞ አዲስ ስማርት ስልክ ሊሰራ መሆኑ ተሰምቷል።

ስማርት ስልኩ በውስጡ አሳልፎ ሌላ ቦታ ማየት የሚያስችል በሙሉ በሙሉ ከመስታወት የሚሰራ ሲሆን፥ የሚተጣጠፍ መሆኑም ታውቋል።

ኩባንያው ሙሉ በሙሉ ብርሃን የሚያስተላልፍና ታጣፊ የሆነ ስማርት ስልኩን ለመስራት ያቀረበው የባለቤትነት ጥያቄም ተቀባይነት ማግኘቱ ነው የተነገረው።

ኩባንያው የሚያመርታቸው ስማርት ስልኮቹ በረቀቀ ቴክኖሎጂ የሚሰሩ መሆኑም ታውቋል።

ኤል ጂ ፍቃድ ያገኘበት ሙሉ በሙሉ ብርሃን የሚያስተላልፈውን የመስታወት ስማርት ስልኩን መቼ አምርቶ ለገበያ ያቀርባል የሚለው ላይ ግን የተቆረጠ ነገር የለም።

ምንጭ፦ fossbytes.com

You might also like
Comments
Loading...