Fana: At a Speed of Life!

ኢጋድ በሱዳን እየተካሄደ ያለው ለውጥ በሰላም እንዲከናወን ጥሪ አቀረበ

አዲስ አበባ፣ሚያዚያ 5 ፣2001 (ኤፍ.ቢ.ሲ) የምስራቅ አፍሪካ በይነ መንግስታት ኢጋድ በሱዳን እየተካሄደ ያለው የለውጥ ሂደት በሰላም እንዲከናወን ጥሪ አቅርቧል።

ኢጋድ የሱዳንን ወቅታዊ ሁኔታ  አስመልክቶ  በትናንትናው ዕለት ባወጣው መግለጫ  በሀገሪቱ እየተካሄደ ያለውን ለውጥ በቅርበት እየተካታተለ መሆኑን አስታውቋል።

ለውጡ በሳላም ይከናወን ዘንድም የሱዳን ህዝቦች ፣የሚመለከታቸው አካላት እንዲሁም ፖለቲካኞች  በሀገሪቱ ያለውን ወቅታዊ የፖለቲካ ትኩሳት ግምት ውስጥ በማስገባት የበኩላቸውን አስተዋፅኦ እንዲያበረክቱ ጥሪ አቅርቧል።

ከዚህ ባለፈም የምስራቅ አፍሪካ በይነ መንግስታት ኢጋድ ሱዳን እያካሄደችው ያለውን የለውጥ ሂደት በተለያዩ መንገዶች ለመደግፍ  ቁርጠኛ አቋም ያለው መሆኑም በመግለጫው ተመላክቷል ።

በተጨማሪም ኢጋድ በቀጠናው ያለው የሰላም ፣የፀጥታ እና የልማት ሁኔታ በተረጋጋና ዘላቂነት ባለው መልኩ እንዲቀጥል ለማድረግ  የበኩሉን አስተዋፅኦ የሚያበረክት መሆኑን አስታውቋል።

You might also like
Comments
Loading...