Fana: At a Speed of Life!

ኢቫንካ ትራምፕ በቡና ዘርፍ ከተሰማሩ ኢትዮጵያዊን ሴቶች ጋር ተወያየች

አዲስ አበባ፣ ሚያዚያ 6፣ 2011 (ኤፍ ቢ ሲ) የአሜሪካው ፕሬዚዳን ዶናልድ ትራምፕ ልጅ እና የዋይት ሀውስ አማካሪ ኢቫንካ ትራምፕ በቡና ዘርፍ ከተሰማሩ ኢትዮጵያዊን ሴቶች ጋር ተወያየች፡፡

እነዚህ ሴቶች በአሜሪካ ልማት ድርጅት ድጋፍ የሚደረግላቸው እንደሆኑ ነው የተገለፀው፡፡

በቡና ዘርፍ የተሰማሩት እነዚህ ስራ ፈጣሪ ሴቶች ያለባቸውን የካፒታል እጥረት በመቋቋም በዘርፉ ስኬታማ መሆን የቻሉ ናቸው ተብሏል፡፡

በተጨማሪም ኢቫንካ ትራምፕ በኢትዮጵያዊ የቡና መጠጣት ስነ ስርዓት ላይ ተሳታፊ ሆናለች፡፡

እንዲሁም ባህላዊ አልባሳት የሚያዘጋጁ ሴቶችን መጎብኘታቸው ተነግሯል፡፡

ኢቫንካ ትራምፕ በኢትዮጵያ ጉብኝት ልታደርግ ዛሬ ረፋድ ላይ አዲስ አበባ መግባቷ የሚታወስ ነው፡፡

ኢቫንካ ትራምፕ በቆይታዋ ከፕሬዝዳንት ሳህለወርቅ ዘውዴና ጠቅላይ ሚኒስትር ዶክተር አብይ አህመድና ሌሎች የመንግስት ከፍተኛ ባለስልጣናት ጋር እንደም ትወያይ ይጠበቃል።

እንዲሁም ከፖለቲካ አመራሮች እና ሥራ አስፈፃሚዎች ጋር ተገናኝታ እንደምትዋያይም ተጠቁሟል፡፡።

ኢቫንካ ትራምፕ ከኢትዮጵያ ጉብኝቷ በተጨማሪም ወደ አይቮሪኮስት በማቅናት ጉብኝት የምታደረግ መሆኑንም ዋይት ሀውስ አስታውቋል።

በአይቮሪኮስት ቆይታዋም በሴቶችን ኢኮኖሚ ማጠንከር ዙሪያ በሚዘጋጅ ጉባሌ ላይ እንደምትሳተፍም ነው የተነገረው።

You might also like
Comments
Loading...