Fana: At a Speed of Life!

አቶ ገዱ አንዳርጋቸው የውጭ ጉዳይ ሚኒስትር ሆነው በመሾማቸው ቃለ መሃላ ፈፀሙ

አዲስ አበባ፣ ሚያዚያ 17፣ 2011 (ኤፍ.ቢ.ሲ) የቀድሞው የአማራ ክልል ርዕሰ መስተዳድር አቶ ገዱ አንዳርጋቸው የውጭ ጉዳይ ሚኒስትር ሆነው በመሾማቸው በዛሬው ዕለት ቃላ መሃላ ፈፅመዋል።
የኢፌዴሪ የህዝብ ተወካዮች ምክር ቤት ሚያዝያ 10 ቀን 2011 ዓ.ም ባካሄደው 34ኛ መደበኛ ስብሰባው የ3 ሚንስትሮችን ሹመት በአንድ ተቃውሞ በአምስት ድምጸ ተአቅቦ በአብላጫ ድምጽ ማጽደቁ ይታወሳል።

በዕለቱም በጠቅላይ ሚኒስትሩ የታጩትን ተሿሚዎች የመንግስት ረዳት ተጠሪ ሚኒስትር ዴኤታ አቶ ጫላ ለሚ ለምክር ቤቱ አቅርበዋል።

ከእነዚህ መካከልም አቶ ገዱ አንዳርጋቸው የውጭ ጉዳይ ሚኒስቴር ሚኒስትር ሆነው ሹመታቸው በምክር ቤቱ መጽደቁ ይታወሳል።

ይሁን እንጂ በዕለቱ አቶ ገዱ አንዳርጋቸው በምክር ቤቱ ቀርበው ቃለ መሃላ አለመፈጸማቸው ይታወቃል።

በምክር ቤቱ የአሰራርና የአባላት ሥነ ምግባር ደንብ አንቀጽ 111 መሰረት ዛሬ ሚያዚያ 17 ቀን 2011 ዓ.ም በምክር ቤቱ አፈ ጉባኤ ፊት ቀርበው በጠቅላይ ፍርድ ቤት ፕሬዚዳንት ወ/ሮ መዓዛ አሸናፊ አማከኝነት የተጣለባቸውን የህዝብና የመንግስት ሃላፊነት በቅንነት፣ በታታሪነትና ህግና ደንብን መሰረት በማድረግ ለመወጣት ቃለ መሃላ ፈፅመዋል።

የምክር ቤቱ አፈጉባኤ አቶ ታገሰ ጫፎ ለተሿሚ ሚኒስተሩ ስኬታማ የሥራ ዘመን እንዲሆንላቸው መልካም ምኞታቸውን መግለፃቸውን ከምክር ቤቱ ያገኘነው መረጃ ያመላክታል ።

You might also like
Comments
Loading...